10 myńǵa jýyq almatylyq kásipkerlik negizderin oqydy
Ortalyq taratqan málimetke sáıkes, 2021 jyldyń basynan «Qoldaý» kásipkerlik ortalyǵy isin jańa bastaǵan jáne jumys istep júrgen 2 753 kásipkerdi oqytty, 12 myńnan astam keńes berý qyzmeti kórsetildi, 2,1 mlrd teńgege 23 joba qarjylandyryldy. Sonymen qatar, 209 bıznes-jospar ázirledi.
«Bizdiń ortalyq kásipkerlerge keshendi kómek kórsetý qaǵıdaty boıynsha jumys isteıdi - ıdeıanyń paıda bolý sátinen bastap, kásipkerlik negizderine oqytý, bıznes-jospar jazý, keıinnen qarjylandyrýdy jumyldyrý, jobany iske asyrýǵa deıin súıemeldeý. Sonymen qatar, bizdiń ortalyqtyń menedjerleri jer, sáýlet, ınjenerlik jáne qyzmetti lıtsenzııalaý máseleleri boıynsha ruqsat qujattaryn alý boıynsha keńes beredi. Salalar taraýynda biz súıemeldeıtin jobalardyń basym bóligi jeńil, tamaq, óńdeý ónerkásibi, saýda jáne qyzmet kórsetý salalary jatady «, – dedi «Qoldaý» kásipkerlik ortalyǵy» JShS bas dırektorynyń orynbasary Serik Mamytov.
Sonymen qatar, ol kórsetken keńesterdiń nátıjesinde qalada tigin atelesi, bilim berý ortalyqtary, kondıterlik dúkender, kofehanalar, sulýlyq salondary, úı janyndaǵy dúkender, sport klýbtary jáne ishki týrızm, agrobıznestegi ınnovatsııalar boıynsha jobalar jáne taǵy basqa shaǵyn jáne orta bıznes nysandary ashylǵanyn atap ótti.
Aıta ketpeıik, «Qoldaý» kásipkerlik ortalyǵynyń basty mindeti – kásipkerlikti damytýǵa jáne qoldaýǵa jan-jaqty kómek kórsetý.
