10 myń metr bıiktikte namaz ýaqyty men qubylany anyqtap beretin iPhone qosymshasy paıda boldy
ASTANA. 17 tamyz. QazAqparat - Sıngapýrlik kompanııa 10000 metr bıiktikte namaz ýaqyty men qubylany anyqtap beretin iPhone qosymshasyn oılap tapty. Ol úshin jolaýshy tek ushqany jaıly aqparat engizýi kerek. Bul jaıynda «Islam bári úshin» aqparat kózi habar taratty.
Týrızm jáne meımanhana reıtıngisin jasaıtyn Crescentrating fırmasy halal uǵymyna oraılastyryp, smartfonnyń Crescent Trips dep atalatyn qosymshasyn Android negizinde tegin ashqanyn aıta ketý kerek. Bul jóninde atalmysh kompanııanyń atqarýshy dırektory Fazal Bahardın habarlady. Bul qosymshada jolǵa shyqqan musylmanǵa arnalǵan duǵa da bar.
«Musylmandardyń týrıstik salasy búgingi tańda týrızm ındýstrııasyna qan júgirtken eń tabysty naryqqa aınalyp otyr», - dedi Crescentrating meńgerýshisi Denı Boldýk.
Muslim.kz saıtynyń jazýynsha, Crescentrating-tiń jáne amerıkalyq DinarStandard reıtıng fırmasynyń ótken jylǵy zertteýine qaraǵanda, musylman týrısterdiń shyǵysy álemdik ortasha esep kórsetkishinen asyp ketken. Boljam boıynsha bul kórsetkish 2020 jylǵa qaraı 192 mlrd dollarǵa jetýi múmkin. 2011 jyly bul kórsetkish 126 mlrd dollardy quraǵan bolatyn.
