10 mln sapar: Tarlan Astana-nyń eń kóp suranysqa ıe úsh stansasy ataldy
ASTANA. KAZINFORM — Tarlan Astana jeńil relsti kóliginiń qyzmetin paıdalanǵandar sany 10 mıllıonnan asty, dep habarlaıdy City Transportation Systems baspasóz qyzmeti.
— Іske qosylǵan sátten bastap elorda turǵyndary men qonaqtary 10 mıllıonnan astam sapar jasady. Qyrkúıek aıyndaǵy ortasha táýliktik jolaýshylar legi shamamen 80 myń jolaýshyny qurady, — delingen habarlamada.
Jolaýshylar arasynda eń kóp suranysqa ıe stansalar:
* «Ýnıversıtet» — 1 463 953 jolaýshy;
* «Báıterek» — 1 208 610 jolaýshy;
* «Nurly jol» — 1 060 068 jolaýshy.
Aıta keteıik, jol aqysyn birneshe tásilmen, onyń ishinde kólik kartasy, bank kartalary jáne baılanyssyz tólem ádisteri arqyly tóleýge bolady.
Osyǵan deıin CTS JShS basqarma tóraǵasy apparatynyń jetekshisi Manarbek Qulmuqan LRT júıesine «Tarlan Astana» ataýynyń berilý sebebin túsindirdi.
