10 mln medıtsınalyq maska satyp aldyq - Alekseı Tsoı
NUR-SULTAN. QazAqparat - 8 otandyq taýar óndirýshiden 10 mln medıtsınalyq masqa satyp alyndy. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Tapshylyq oryn alǵan jaǵdaıda dárihanalardyń bólshek jelilerin ınterventsııalaý úshin 8 otandyq taýar óndirýshiden 10 mln medıtsınalyq masqa satyp alyndy», - dedi mınıstr IX Azamattyq forým aıasynda úkimettik emes uıymdar ókilderimen kezdesýi barysynda.
Sonymen qatar ol medıtsına qyzmetkerleri úshin jeke qorǵanys zattarynyń 3 aıǵa jetetin qory jasaqtalyp qoıǵanyn basa aıtty.
«Buǵan qosa, Úkimet gýmanıtarlyq kómek aıasynda alynǵan jeke qorǵanys zattarynan 400 myń birrettik qorǵanys kostıýmderi rezervin qurý máselesin pysyqtady», - dedi Alekseı Tsoı.
