10 mln halqy bar Indonezııa astanasy 10 jyldan keıin sý astynda qalýy múmkin
NUR-SULTAN. QazAqparat - Indonezııa sońǵy 15 jyl ishinde topyraq qabatynyń shógýi jáne teńiz deńgeıiniń kóterilýine baılanysty, qurlyqtaǵy 29 myń gektardaı jerinen aıyryldy.
Bul Jakartanyń aýdanymen para-par. Bul jaıly The Jakarta Post gazeti jazdy, dep habarlaıdy QazAqparat.
Eldiń Teńiz isteri jáne balyq sharýashylyǵy mınıstrliginiń derekterine qaraǵanda, ıAva aralyndaǵy jaǵdaı qatty alańdatady. Araldyń soltústik jaǵalaýyndaǵy jer kúshti erozııaǵa ushyraǵan.
Buǵan teńizdiń qýatty tolqyndary, sonymen qatar jergilikti turǵyndardyń sharýashylyq qyzmeti de áser etip otyr. Kesilgen ormandar men plantatsııalardyń orny jyldam erozııaǵa ushyrap barady.
Sarapshylardyń aıtýynsha, Jakartada topyraq qabaty jylyna 10-25 sm shógedi. Bılikti alańdatatyn taǵy bir jaıt, qala aýmaǵynyń 40%-ǵa jýyǵy onsyz da teńiz deńgeıinen tómen ornalasqan. Eger jaǵdaı ońdalmasa, 2030 jylǵa qaraı Jakarta tolyqtaı sý astynda qalýy múmkin.
Qazirgi tańda Jakartada on mıllıonǵa jýyq halyq turady.
