10 myńnan astam talapker grant konkýrsyna qatysý úshin qujat tapsyrdy
ASTANA. KAZINFORM — Búgin elimiz boıynsha bilim berý granttaryn taǵaıyndaý konkýrsyna qatysý úshin ótinishter qabyldaý kampanııasy bastaldy, ol 24 shildege deıin júrgiziledi.
«Qazirgi tańda (saǵ. 17.00) 10 myńnan astam talapker grant konkýrsyna qatysýǵa nıet bildirip, ótinishterin jiberdi. Eń kóp ótinish „Pedagogıkalyq ǵylymdar“ jáne „Injenerlik, óńdeý jáne qurylys salalary“ baǵyttaryna berildi», — dep jazdy Ǵylym jáne joǵary bilim mınıstrliginen.
Esterińizge sala ketsek, bıyl qujattardy qabyldaý eGov arqyly onlaın formatta nemese joo-lardyń qabyldaý komıssııalary arqyly oflaın formatta júzege asyrylady. Qujattardy kez kelgen joo (ornalasqan jeri boıynsha) arqyly tapsyrýǵa bolady.
Atap ótsek, otandyq joo-larǵa oqýǵa túsý úshin talapkerler jeke kýálik, UBT sertıfıkatyn; 3×4 kólemindegi foto, orta bilim týraly attestat (tehnıkalyq jáne kásiptik bilim berý (TjKB) uıymdarynyń túlekteri úshin dıplom), sondaı-aq, jeńildetilgen sanat boıynsha konkýrsqa qatysý úshin rastaıtyn qujattar usynady.
