10 myńnan astam taksı júrgizýshisi pılottyq jobaǵa qatysyp jatyr

ASTANA. KAZINFORM – Memlekettik kirister komıteti «ıAndekspen» birlesip Astana jáne Almaty qalalarynda platformalyq jumyspen qamtý boıynsha pılottyq jobany iske qosty. Oǵan «ıAndeks.taksı» qosymshasy arqyly qyzmet kórsetetin taksı júrgizýshileri (kýrerler) qatysa alady.  

Komıtettiń baspasóz qyzmeti qazirgi ýaqytta jobaǵa 10 myńnan astam taksı júrgizýshini qatysyp jatqanyn málimdedi.

Taksı júrgizýshileri úshin pılottyq jobaǵa qatysýdyń artyqshylyǵy:

- taksı parkteriniń deldaldyq qyzmetterin alyp tastaý. Bul únemdelgen aqshany salyq pen áleýmettik tólemderdi tóleýge baǵyttaýǵa múmkindik beredi. Osylaısha taksı júrgizýshisi áleýmettik qamsyzdandyrý júıesine tartylatyn bolady;

- jeke kásipker retinde tirkelý ońaı, salyq organdaryna barmaı-aq, ıAndeks platformasy arqyly tirkelýge bolady;

- alynǵan tabystyń 1% mólsherinde jeke tabys salyǵyn tóleý, al qyzmetkerdiń tabysynan salyq 10% mólsherinde ustalady;

- salyq eseptiligin usyný jáne salyqtar men áleýmettik tólemderdi esepteýdiń qajeti joq. Júrgizýshiniń kelisimi boıynsha salyqtar men áleýmettik tólemderdi ustap qalý men aýdarýdy ıAndeks júrgizetin bolady.

Sondaı-aq Glovo, Wolt, InDrive jáne basqa da osy sııaqty kompanııalardy pılottyq jobaǵa qatystyrý josparlanyp otyr.