10 myńnan astam júrgizýshiniń kýáligi ne sebepti jaramsyz dep tanylǵany belgili boldy
ASTANA. KAZINFORM — Aýrýyna baılanysty kólik júrgize almaıtyn adamdar anyqtaldy. Tsıfrlyq taldaý nátıjesinde medıtsınalyq kórsetkishter boıynsha 10 myńnan astam júrgizýshi kýáligin qoldaný toqtatyldy, dep habarlaıdy Úkimettiń baspasóz qyzmeti.
Qazaqstanda Densaýlyq saqtaý mınıstrliginiń, Bas prokýratýranyń jáne Іshki ister mınıstrliginiń aqparattyq júıelerin ıntegratsııalaý kólik quralyn basqarýǵa medıtsınalyq qarsy kórsetilimderi bar azamattardy anyqtaýǵa múmkindik beredi. Derekter almasýdy tsıfrlandyrýdyń nátıjesinde 10 myńnan astam adamnyń júrgizýshi kýáligin qoldanýy toqtatyldy.
Densaýlyq saqtaý mınıstrligi dınamıkalyq medıtsınalyq baqylaýda turǵan jáne kólik quralyn basqarýǵa medıtsınalyq qarsy kórsetilimderi bar azamattar týraly málimetterdi usynady.
— Bul jumys ári qaraı da jalǵasyn tabady. Kólik quralyn basqarýǵa bolmaıtyn aýrýlar tizbesi nozologııanyń segiz túrin qamtıdy, — dedi densaýlyq saqtaý vıtse-mınıstri Erbol Ospanov.
Sondaı-aq júrgizýshi kýáligin alý kezinde medıtsınalyq kýálandyrý protsesi de tsıfrlandyryldy. Medıtsınalyq anyqtama elektrondyq formatqa kóshirilip, medıtsınalyq komıssııa qorytyndylary aqparattyq júıelerde kórsetiledi.
Osyǵan deıin 2026 jyly elimizde qansha adam júrgizýshi kýáliginen aıyryldy jáne oǵan ne sebep ekenin jazǵanbyz.
