10 myńnan asa talapker grant konkýrsyna qatysý úshin qujat tapsyrdy

ASTANA. KAZINFORM — 13 shildede bilim berý granttaryn taǵaıyndaý konkýrsyna qatysý úshin ótinishter qabyldaý kampanııasy bastaldy, dep habarlaıdy Ǵylym jáne joǵary bilim mınıstrligi.

Qabyldaý 20 shildege deıin júrgiziledi.

— Birinshi kúnniń qorytyndysy boıynsha 10 myńnan astam talapker grant konkýrsyna qatysýǵa nıet bildirip, ótinishterin jiberdi. Eń kóp ótinish «Pedagogıkalyq ǵylymdar» jáne «Injenerlik, óńdeý jáne qurylys salalary» baǵyttaryna berildi, — delingen mınıstrlik taratqan aqparatta.

Esterińizge sala ketsek, bıyl qujattardy egov.kz portaly arqyly onlaın nemese joǵary oqý oryndaryndaǵy qabyldaý ortalyqtary arqyly (kez kelgen jaqyn ornalasqan JOO-da) tapsyrýǵa bolady.

Atap ótsek, grant konkýrsyna qatysý úshin talapkerler jeke kýálik, UBT sertıfıkatyn; 3×4 kólemindegi foto, orta bilim týraly attestat (tehnıkalyq jáne kásiptik bilim berý uıymdarynyń túlekteri úshin dıplom) tapsyrý kerek. Sondaı-aq jeńildetilgen sanat boıynsha konkýrsqa qatysý úshin rastaıtyn qujattar usynylady.

Buǵan deıin grant konkýrsyna qatysý úshin ótinishter qabyldaý bastalǵanyn jazǵan edik.

Sonymen qatar talapkerler eGov.kz portalynda bilim berý granttaryna ótinim bere alady.