10 myńnan 300 myńǵa deıin: elimizde kúzdik kıim-keshek baǵasy qansha

Qalalardaǵy bazar men arnaıy dúkendi aralap, Shymkent pen Aqtóbede baǵa tómen ekenin bildik. Bul qalalarda kıim-keshek quny 10 myń teńgeden bastalady. Kókshetaýda kúzdik kıim baǵasy 12 myń teńgeden bastalsa, Taraz, Pavlodar, Semeı men Túrkistanda 15 myń teńge jáne odan joǵary.

Soǵan qaramastan, elimizdegi keıbir qalada baǵa aıyrmashylyǵy joǵary. Máselen, Qaraǵandy men Qostanaıda maýsymdyq kúrte baǵasy keı jerde 300 myń teńgege deıin jetti. Jezqazǵanda kúrte baǵasy 200 myń teńge, Almatyda 120 myń teńge, Óskemende 115 myń teńge deıin barady.

Elimizde aıaq kıim baǵasynda aıyrmashylyq joǵary. Eń arzany Kókshetaýda. Munda 8 myń teńgeden bastalady. Tarazda aıaq kıimdi 10 myń teńgege de satyp alýǵa bolady. Baǵa óndirýshi men sapasyna qaraı óse beretinin umytpaǵan jón.

Astanada etik baǵasy 20 myńnan bastalyp, 130 myńǵa deıin jetedi. Qaraǵandy, Jezqazǵan men Qostanaıda keıbir aıaq kıim 100 myń teńgege baǵalanady. Almatyda kúzdik aıaq kıim baǵasy 20-90 myń teńge, Atyraýda 20-70 myń teńge aralyǵynda.

Taldyqorǵanda kúzdik syrt kıimdi 15-65 myń teńgege, al etikti 15-45 myń teńgege satyp alýǵa bolady. Oralda kúrte baǵasy 15-55 myń teńge aralyǵynda bolsa, aıaq kıim baǵasy 15-60 myń teńge. Qyzylordada kúrte baǵasy 20-35 myń teńge aralyǵynda, al etik quny 29,9-79 myń teńge.

Demek kúzdik kıim baǵasy tańdaýymyzǵa qaraı qoljetimdi bolyp tur. Keıbir tutynýshy sapasy men óndirýshisine mán beredi. Ol kezde baǵasy da soǵan saı joǵary bolady. Ásirese, aıaq kıim tańdaǵanda baǵasyna emes, sapasyna mán bergen jón.

Aıta keteıik, biz salystyrǵan kıim-keshek pen aıaq kıim baǵasy resmı statıstıka emes.

Buǵan deıin Kazinform Astanada kómir qansha turatynyn jáne qaıdan satyp alýǵa bolatynyn jazdy.