10 myń teńgelik eski banknot taǵy 1 jyl qoldanysta bolady — UB
ASTANA. KAZINFORM — 10 myń teńgelik eski banknot taǵy 1 jyl qoldanysta bolady. Bul týraly Ulttyq bank tóraǵasy Tımýr Súleımenov aıtty.
— Iıa, biz merzimin taǵy bir jylǵa sozýdy josparlap otyrmyz. Olar úlken suranysqa ıe jáne ekinshi deńgeıli bankter merzimin taǵy jylǵa uzartý týraly ótinishpen júgindi, — dedi Tımýr Súleımenov Ulttyq bankte ótken brıfıngte BAQ ókilderiniń saýalyna oraı.
Bıyl nomınaly 2 000 jáne 10 000 teńgelik banknotalar úshin aınalymda qatar júrý kezeńi aıaqtalady:
— 10 000 teńge — 2024 jylǵy 28 maýsymnan 2026 jylǵy 27 maýsymǵa deıin;
— 2 000 teńge — 2024 jylǵy 25 jeltoqsannan 2026 jylǵy 24 maýsymǵa deıin.
Aıta keteıik, buǵan deıin Ulttyq bank 10 000 teńgelik banknotalardyń aınalymda qatar júrý merzimin uzartý múmkindigin qarastyryp jatqanyn málimdegen edi.
