10 maýsymnan bastap elimizden jekelegen aǵash túrlerin eksporttaýǵa tyıym salynady

ASTANA. QazAqparat – Qazaqstan aýmaǵynan keıibir aǵash túrlerin áketýge jarty jylǵa tyıym salynbaq, dep habarlaıdy QazAqparat tilshisi.

«Qazaqstan Respýblıkasynyń aýmaǵynan aǵash materıaldarynyń jekelegen túrlerin (Eýrazııalyq ekonomıkalyq odaqtyń Syrtqy ekonomıkalyq qyzmetiniń taýar nomenklatýrasynyń kody 4401, 4403, 4404, 4406 jáne 4407) áketýge alty aı merzimge tyıym salý engizilsin», - delingen «Ashyq» NQA portalynda jarııalanǵan Indýstrııalyq damý komıteti tóraǵasynyń buıryq-jobasynda.

Qujat 3 mamyrǵa deıin kópshilik talqylaýda bolady. Keıin 10 maýsymnan bastap kúshine enedi.