10 maýsymǵa deıin Ekibastuzdaǵy barlyq úıge ystyq sý beriledi

EKІBASTUZ. QazAqparat - Kenshiler qalasynyń jylytý júıesinen 269 (34 magıstraldyq jáne 235 oramishilik) aqaý tabylǵan. Olardy joıý jumysy qazirdiń ózinde bastalyp, 25 brıgada jelilerdi jóndeý men aýystyrýdy kezeń-kezeńimen oryndap jatyr, dep habarlaıdy QazAqparat.

Pavlodar oblysynyń ákimi Asaıyn Baıhanov Ekibastuzdaǵy jylý jelilerin jóndeý barysyn tekserdi.

15 mamyrǵa deıin jelilerdi jóndeýdiń birinshi kezeńin aıaqtap, 137 kóppáterli turǵyn úıdi ystyq sýǵa qosý josparlanǵan.

Sodan keıin 25 mamyrǵa deıin 221 KTÚ jáne 246 KTÚ 10 maýsymǵa deıin qosýdy josparlap otyr.

Úılerge ystyq sý berý tizimi EJEO telegram kanalynda jarııalanady.

Sondaı-aq, JM-5 jáne JM-12 magıstraldyq qubyrlaryn qaıta qurý jumysy bastaldy. Qazir eski jelilerdi bólshekteý jáne basqa da daıyndyq sharalary júrip jatyr.

Barlyǵy tórt jylý magıstrali jańartylady. Jumysty tamyz aıynyń sońyna deıin tolyq aıaqtaý josparlanyp otyr.