10 maýsym kúni Astanada «Men seni súıemin, elorda!» kórmesi ótedi
ASTANA. QazAqparat - 10 maýsymda Astanada qoldanbaly-sándik óner men zamanaýı dızaındik buıymdardyń «Men seni súıemin, elorda!» atty kórmesi ótedi.
«Kórmege beıneleý óneri, qoldanbaly-sándik shyǵarmashylyq, zamanaýı dızaın úıirmeleri tárbıelenýshileriniń eńbekteri qoıylady» dep habarlaıdy Astana kúnine daıyndyq pen merekeni ótkizý boıynsha uıymdastyrý komıtetiniń medıa-shtabynan.
Kórmede úzdik shyqqan 200-den astam balaǵa maqtaý qaǵazy men baǵaly syılyqtar úlestirý josparlanǵan. Shara aıaqtalǵannan keıin barlyq týyndylar balalar úıleri, aýrýhanalar men qarttar úıleri syndy áleýmettik mekemelerge taratylmaq, dep habarlaıdy strategy2050.kz.
Aıta keteıik, shara Oqýshylar saraıynyń galereıasynda ótedi.
