10 maýsymnan bastap «Kegen – Narynqol» avtojolynda ýaqytsha shekteý engiziledi
ASTANA. KAZINFORM - «QazAvtoJol» ulttyq kompanııasy» Almaty oblysynda respýblıkalyq mańyzy bar KZ05-07 «Kegen – Narynqol» avtomobıl jolynyń 0–74 shaqyrym aralyǵynda ortasha jóndeý jumystary júrgizilip jatqanyn habarlaıdy.
Osyǵan baılanysty 2026 jylǵy 10 maýsym men 10 shilde aralyǵynda «Qaınar – Tekes» ýchaskesiniń 57–74 shq aralyǵynda kólik qozǵalysyna ýaqytsha shekteý engiziledi.
-Jóndeý jumystary kezeńinde kólik qozǵalysy arnaıy uıymdastyrylǵan aınalma jol arqyly júzege asyrylady. Jol qozǵalysyna qatysýshylardy aqparattandyrý maqsatynda ýchaskede tıisti ýaqytsha jol belgileri ornatylady,-delingen habarlamada.
«QazAvtoJol» ulttyq kompanııasy júrgizýshilerden qozǵalys baǵytyn aldyn ala josparlaýdy, jol belgileriniń talaptaryn saqtaýdy jáne ýaqytsha engizilgen shekteýlerge túsinistikpen qaraýdy suraıdy.
Osyǵan deıin «Kegen – Narynqol» avtojolynyń 20-shaqyrymynda qozǵalys ashylǵany týraly jazdyq.
