10 mamyrǵa deıin Úkimettiń qaraýyna ınnovatsııalardy qoldaý boıynsha usynystar engiziledi

ASTANA. 18 sáýir. QazAqparat /Rýslan Ǵabbasov/ - Búgin Úkimet otyrysynda Premer-Mınıstr Kárim Másimov Úkimet basshysynyń orynbasary-Indýstrııa jáne jańa tehnologııalar mınıstri Áset Isekeshevke ınnovatsııalardy qoldaý turǵysyndaǵy usynystardy engizýdi tapsyrdy.

13 mamyrda Almatydaǵy Aqparattyq tehnologııalar parkiniń bazasynda Elbasynyń tóraǵalyǵymen keńes ótetinine toqtalǵan K. Másimov, «atalǵan keńeste Memleket basshysyna tıisti sheshimderdi baıandaý úshin jáne Elbasy olardy qoldaǵan jaǵdaıda alǵa jyljý maqsatynda 10 mamyrǵa deıin ınnovatsııalardy qoldaý boıynsha usynystar engizilýi tıis. Onda qarjylyq jáne salyqtyq yntalandyrý, sondaı-aq venchýrlyq qarjylandyrýdy damytý máseleleri eskerilýi qajet»,-dedi Premer-Mınıstr.