10 mamyrǵa arnalǵan aýa raıy boljamy
NUR-SULTAN. QazAqparat - 10 mamyr kúni Qazaqstannyń basym aýmaǵy antıtsıklonnyń yqpalynda bolady, soǵan baılanysty jaýyn-shashynsyz aýa raıy kútiledi, dep habarlaıdy QazAqparat Qazgıdrometke silteme jasap.
Tek ońtústik-batys, soltústik-batys, soltústik aýdandar arqyly atmosferalyq aǵyndardyń ótýine baılanysty keı jerlerde jańbyr jaýyp, naızaǵaı oınaıdy. Respýblıkanyń keı jerlerinde tuman, jeldiń kúsheıýi, ońtústikte shańdy daýyl turýy, soltústik-shyǵysta burshaq jaýýy múmkin.
Túrkistan, kúndiz Qyzylorda, oblystarynyń keı jerlerinde shań kóterilip, jel 15-20 m/s kúsheıedi.
Qostanaı, Soltústik Qazaqstan, Pavlodar oblystarynyń keı jerlerinde naızaǵaı kútiledi, jel 15-20 m/s kúsheıedi.
Soltústik Qazaqstan oblysynda tuman túsedi, Pavlodar oblysynda burshaq jaýýy yqtımal. Túnde jáne tańerteń Aqmola oblysynyń keı jerlerinde tuman kútiledi, tańerteń jáne kúndiz naızaǵaı jarqyldaıdy.
Jambyl, kúndiz Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s jetedi.
Mańǵystaý oblysynyń keı jerlerinde tuman túsedi. Al kúndiz Atyraý oblysynda qatty ystyq bolady.
