10 mamyrda Qazaqstannyń 5 qalasynda aýa sapasy nasharlaıdy
ASTANA. QazAqparat - Juma, 10 mamyr kúni Qazaqstannyń bes qalasynda aýa sapasy tómendeıdi, dep habarlaıdy QazAqparat «Qazgıdromet» RMK-ǵa silteme jasap.
10 mamyrda Aqtóbe, Atyraý, Qaraǵandy, Nur-Sultan jáne Oral qalalarynda qolaısyz meteorologııalyq jaǵdaılar aýanyń lastanýyna yqpal etedi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
