10 mamyr kúni Májilistiń jalpy otyrysy ótedi

Jalpy otyrysta «Qazaqstan Respýblıkasynyń keıbir zańnamalyq aktilerine elektr energetıkasy, tabıǵı monopolııalar men retteletin naryq sýbektileriniń ınvestıtsııalyq qyzmeti máseleleri boıynsha tolyqtyrýlar men ózgerister engizý týraly» zań jobasy ekinshi oqylymda Palatanyń talqysyna shyǵarylatyny kózdelýde.

Májilistiń Ekonomıkalyq reforma jáne óńirlik damý komıtetiniń múshesi Ashat Bekenov qosymsha baıandama jasaıdy dep kútilýde.

Sonymen qatar jalpy otyrysta  Úkimetten kelip túsken «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Ózara qarjylyq máselelerdi retteý jáne áskerı bilim berý men synaq polıgondaryn paıdalaný salasyndaǵy esep aıyrysý sharttary týraly kelisimdi ratıfıkatsııalaý týraly», «Keden odaǵynyń syrtqy shekarasynda kóliktik (avtomobıldik) baqylaýdy júzege asyrý týraly kelisimdi ratıfıkatsııalaý týraly» zań jobalary boıynsha qorytyndy ázirleý máselesi qaralady. Zań jobalary Halyqaralyq ister, qorǵanys jáne qaýipsizdik komıtetine berilmek.