10 magıstrantqa Nazarbaev stıpendııasy taǵaıyndaldy
ASTANA. 3 tamyz. QazAqparat - Astanada QR Bilim jáne ǵylym mınıstri Baqytjan Jumaǵulovtyń basshylyǵymen Nazarbaev stıpendııasyn taǵaıyndaý úshin magıstranttardy irikteý boıynsha konkýrstyq komıssııanyń otyrysy ótti, dep habarlaıdy QR BǴM baspasóz qyzmeti.
Nazarbaev stıpendııasy Ulttyq ǵylym akademııasynyń tolyq múshesiniń ómirlik aı saıynǵy stıpendııasy esebinen qalyptastyrylady jáne árqaısysyna 6 aılyq eseptik kórsetkish kólemindegi on stıpendııa mólsherinde belgilenedi.
Nazarbaev stıpendııasy joǵary oqý oryndarynyń kúndizgi oqý bóliminiń ekinshi kýrsynda oqıtyn, ǵylymı-zertteý jumysymen aınalysatyn, barlyq oqý kezeńinde úlgerimi úzdik baǵalarǵa ıe, oqý ornynyń qoǵamdyq ómirine belsene aralasatyn magıstranttarǵa taǵaıyndalady.
Nazarbaev stıpendııasyn taǵaıyndaýǵa ulttyq joǵarǵy oqý oryndarynan 28 kandıdatýra usynyldy.
Qazaqstan Respýblıkasy Bilim jáne ǵylym mınıstriligi komıssııasy talabymen konkýrstan 10 magıstrant ótti.
