10 qyrkúıekte birqatar óńirde kún sýytyp, úsik júredi
NUR-SULTAN. QazAqparat - Sınoptıkter 10 qyrkúıek kúni Qazaqstan aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan aýmaǵynyń basym bóligine antıtsıklon áser etedi. Osyǵan baılanysty jaýyn-shashyn jaýmaıdy, kún ashyq bolady.
Tek elimizdiń batysynda jáne ońtústiginde atmosferalyq fronttardyń ótýine baılanysty jańbyr jaýady. Batysta naızaǵaı jarqyldap, jaýyn-shashyn bolady.
Respýblıka boıynsha keı jerlerde tuman túsip, jel ekpini 15-20 m/s jetedi. Batysta daýyl soǵyp, burshaq jaýýy yqtımal.
Batys Qazaqstan, Jambyl, túnde Qyzylorda, kúndiz Mańǵystaý, Atyraý, Qaraǵandy oblystarynyń keı jerlerinde jel 15-20 m/s deıin kúsheıedi.
Batys Qazaqstan, Atyraý oblystarynyń keı jerlerinde daýyl turyp, burshaq jaýýy yqtımal.
Qostanaı, Soltústik Qazaqstan, Pavlodar, Shyǵys Qazaqstan, Qaraǵandy oblystarynda túnde jáne tańerteń tuman túsedi.
Aqmola, Qaraǵandy, Soltústik Qazaqstan, Pavlodar, Shyǵys Qazaqstan oblystarynyń keı aımaqtarynda túnde 1-3 gradýs úsik, Qostanaı oblysynda túnde topyraq betinde 1-3 gradýs úsik júredi.
Atyraý oblysynda, Qyzylorda, Batys Qazaqstan, Qaraǵandy oblystarynyń basym bóliginde, Túrkistan oblysynyń keı jerlerinde, Aqtóbede jáne Almaty oblysynyń batysynda tótenshe órt qaýpi saqtalady.
