10 kúnniń ishinde maıly daqyldardy jınap alý kerek - Bolat Baqaýov
PAVLODAR. QazAqparat - Pavlodar oblysynda agrarshylar 10 kúnniń ishinde maıly daqyldardy jınap úlgerýi kerek.
Búgin apparattyq jıynda aımaq basshysy Bolat Baqaýov osyndaı tapsyrma berdi, dep habarlaıdy pavlodarnews.kz .
Oblystyq aýyl sharýashylyǵy basqarmasynyń basshysy Oraz Dúzdenbaevtyń aıtýynsha, aýyl sharýashylyǵy taýar óndirýshileri dándi daqyldardy jınaýdy bıyl tamyz aıynyń ortasynda bastaǵan. Dándi daqyldardyń jalpy jıyny 745,5 myń tonnany nemese 96 %-dy quraıdy. Ótken jyly bul kórsetkish 777,2 myń tonna kóleminde bolǵan. - Qazirgi tańda maıly daqyldardy jınaý júrgizilýde. Búginge deıin 99,5 myń gektardan 49% paıyzy jınalyp, 60,9 myń tonna bastyrylǵan. Ortasha shyǵymdylyǵy bir gektarda 6,1 tsentnerdi quraıdy. Alqaptarda 489 kombaın jumys isteýde. Aýa raıy qolaıly bolǵan jaǵdaıda jumysty aıaqtaý úshin 10 kún qajet, - deıdi Oraz Dúzdenbaev.
Bul rette, óńir basshysy Shyǵys Qazaqstan jáne Aqmola oblystarynda maıly daqyldardy jınaý boıynsha jaǵdaı qalaı ekenin surady. Oblys ákiminiń orynbasary Baýyrjan Qasenovtyń aıtýynsha, kórshiles jatqan Soltústik Qazaqstan oblysynda zyǵyr men rapsty esepke alǵanda 80 paıyzy, al, Shyǵys Qazaqstan óńirinde 50 paıyzyn jınaǵan.
«Aýyl sharýashylyǵy óte bir erekshe sala», - dedi aımaq basshysy. - Birde jańbyr kóp, endi birde az nemese aıaz tústi, qardyń qajeti joq dep aıtamyz. Búginde ylǵal kedergi bolyp tur, al erteń qar túsedi. Keptirgishter satyp alý kerek. Birese qustar barlyǵyn jep ketti deısizder. Qazir shyǵymdylyq alty paıyzdy quraıdy, jınap bolǵanǵa deıin úsh paıyzy ǵana qalýy múmkin. Jıyn-terimniń bılogııalyq merzimi bar. Bizde park jabdyqtalmaǵan. Ótken jylmen salystyrýdyń qajeti joq. Álde jańa jylǵa deıin jınamaq oılaryńyz bar ma? Mundaı aýa raıy qarasha aıynyń sońyna deıin saqtalady. Nelikten Kasıtsyn men Polıakov der kezinde jınap úlgerdi?». Óz sózin qorytyndylaǵan aımaq basshysy aýa raıy jaǵdaıyna qaramastan astyqty jınaýdy 25 qarashaǵa deıin aıaqtaýdy tapsyrdy.
