10 kúnde otbasynyń shyrqyn buzǵan 337 agressor qamaýǵa alyndy - ІІM
ASTANA. KAZINFORM – Іshki ister mınıstrliginiń resmı ókili Shyńǵys Alekeshev otbasynyń shyrqyn buzǵan agressorlar qaıtalap zań buzyp jatqanyn aıtty.
«Quqyqtyq tártip» atty 10 kúndik jedel-profılaktıkalyq is-sharanyń qorytyndylaryn málim etken resmı ókil otbasylyq zorlyq-zombylyq faktilerine toqtaldy.
«Sonymen qatar, kóshi-qon zańnamasynyń saqtalýyna baqylaý kúsheıtildi. 29 myń jaldamaly páter men polıtsııa esebinde turǵan, shartty túrde sottalǵan 74 myń adam tekserildi. Ákimshilik qadaǵalaý tártibin buzýdyń 90 faktisi anyqtaldy. Quqyq buzýshylyqqa qaıta jol bergender qamaýǵa alyndy. Qorǵaý nusqamasyna qaramastan, otbasynda zorlyq-zombylyq jasaǵan 337 agressor qamaýǵa alyndy», - dedi ol.
Shyńǵys Alekeshev is-shara kezinde 61 myńnan astam quqyq buzý faktisi tirkelgenin atap ótti. Onyń ishinde qoǵamdyq tártipti buzýdyń 18 myń faktisi anyqtalǵan.
«Ýaqytsha beıimdeý ortalyqtary men medıtsınalyq aıyqtyrǵyshtarǵa 5 myń adam jetkizildi. Kóshede jáne oıyn-saýyq oryndarynda zańdy ókilderinsiz túngi ýaqytta bolǵan 7 myńǵa jýyq kámeletke tolmaǵan bala anyqtaldy. Olardyń ata-analaryna qatań eskertý jasaldy», - dedi ІІM resmı ókili.
