10 kún habarsyz ketken qaraǵandylyq boıjetken zorlaý jóninde jalǵan syltaý aıtyp aqtalǵan
QARAǴANDY. QazAqparat - 21 jastaǵy qaraǵandylyq boıjetken on kún habarsyz joǵalyp ketken. Úıine kelgen soń ol ata-anasynan sóz estimeý úshin belgisiz bireýdiń zorlaǵany týraly oıdan shyǵarǵan oqıǵany aıtyp aqtalǵan, dep habarlaıdy «QazAqparat» HAA tilshisi.
Boıjetken qurbysyna habarlasyp, qonaq úıde ekendigin aıtqan. Ol belgisiz bireýdiń qonaq úıge aldap alyp baryp, zorlaǵanyn aıtyp bergen. Qurbysy ony polıtsııaǵa alyp barǵan. Ol tergeýshige zardap shegýshi retinde qylmys týraly baıandaǵan. Tergeý-jedel top ony 10 kúnniń ishinde kórgen barlyq tanystaryn Mıhaılovskıı polıtsııa bólimine jetkizgen. Alaıda, olardyń barlyǵy qylmysqa qatysy joqtaryn málimdegen.
Zardap shegýshi qosymsha tergeý barysynda zorlaǵany týraly oqıǵany ózi oılap tapqanyn moıyndaǵan. Tergeýshiniń kabınetinde jylaǵan ol on kúnge joǵalyp ketkeni úshin ata-anasynan sóz estýge qoryqqanyn jetkizgen.
Qazirgi tańda zorlyq jasaý týraly qylmystyq is toqtatyldy. 21 jastaǵy zardap shegýshi qazir kúdikti bolyp otyr. Oǵan advokat bekitilip, ústinen QR QK 419-baby 2-tarmaǵy «Kórineý jalǵan sóz jetkizý» boıynsha qylmystyq is qozǵaldy.
