10 kolledj ben 10 JOO bazasynda ındýstrııalyq damý baǵdarlamasyna kadr daıyndalady - A.Sárinjipov

ASTANA. QazAqparat - 10 kolledj ben 10 joǵary oqý orny bazasynda ındýstrııalyq damý baǵdarlamasyna kadrlar daıyndalady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Aslan Sárinjipov aıtty.

Elimizde 3 myńnan astam kásiporyn bazasynda 283 kolledj dýaldi oqytýdy júrgizetindigin aıtqan A.Sárinjipov: «Nurly jol» baǵdarlamasy aıasynda 10 kolledjdiń jáne 10 joǵary oqý ornynyń bazasynda ındýstrııalyq damý baǵdarlamasyna kadr daıyndalatyn bolady», - dedi.

Mınıstrdiń aıtýynsha, sonymen qatar halyqaralyq basylymdarda Qazaqstan ǵalymdarynyń eńbekteri otyz paıyzǵa kóbeıgen.

«2013 jyly 1800, al 2014 jyly 2700 jarııalanym jaryq kórdi», - dedi ol.