10 kólik soqtyǵysqan - Qostanaıda iri jol apaty boldy

Qostanaıda aýa raıynyń qolaısyzdyǵy saldarynan birden 10 kólik soqtyǵysty. Zardap shekken bir adam aýrýhanaǵa jetkizildi, dep habarlaıdy Kazinform.

Aqparatty oblystyq polıtsııa departamenti rastady.

- 26 jeltoqsan kúni saǵat 11.10 kezinde Qostanaıdaǵy Abaı dańǵyly boıyndaǵy «Astyqjan» saýda úıiniń mańynda 10 kólik soqtyǵysqan jol-kólik oqıǵasy boldy. Qazirgi ýaqytta oqıǵa ornynan bir adam medıtsınalyq mekemege jetkizildi. Jol-kólik oqıǵasynyń sebebi anyqtalyp jatyr, - delingen vedomstvo habarlamasynda.

Buǵan deıin qatty jel saldarynan Lısakovta jańa jyldyq shyrsha qulap, Tobylda kópqabatty turǵyn úıdiń shatyry opyrylyp túsken bolatyn.