10 qazanda birneshe óńirde tuman túsip, órt qaýpi kúsheıedi
ASTANA. KAZINFORM — Qazgıdromet 10 qazanda Qazaqstannyń birneshe óńirinde tuman túsip, jeldiń ekpini sekýndyna 20 metrge deıin jetetinin eskertti. Sondaı-aq birqatar aımaqta órt qaýpi joǵary jáne tótenshe deńgeıde saqtalady. Bul týraly «Qazgıdromet» RMK baspasóz qyzmeti málim etti.
Atyraý oblysynda túnde jáne tańerteń óńirdiń batysy men ońtústiginde tuman kútiledi. Oblys boıynsha órt qaýpi joǵary, al ońtústiginde tótenshe deńgeıde saqtalady. Atyraý qalasynda da túnde jáne tańerteń tuman túsip, órt qaýpi tótenshe deńgeıde bolady.
Astanada túnde jáne tańerteń tuman kútiledi.
Jetisý oblysynyń shyǵysynda órt qaýpi joǵary deńgeıde saqtalady.
Soltústik Qazaqstan oblysynda túnde jáne tańerteń batysy men ońtústiginde tuman túsedi. Jel ońtústik-batystan soǵady. Túnde oblystyń shyǵysynda jel ekpini sekýndyna 15–20 metrge jetedi.
Qaraǵandy oblysynda túnde jáne tańerteń batysynda, soltústiginde jáne shyǵysynda tuman kútiledi. Qaraǵandy qalasynda da túnde jáne tańerteń tuman bolady.
Ulytaý oblysynda túnde jáne tańerteń batysynda, soltústiginde jáne shyǵysynda tuman túsedi. Oblystyń batysynda, ońtústiginde jáne ortalyǵynda órt qaýpi tótenshe deńgeıde saqtalady. Jezqazǵan qalasynda da órt qaýpi tótenshe deńgeıde bolady.
Aqmola oblysynda túnde jáne tańerteń batysynda, ońtústiginde jáne ortalyǵynda tuman kútiledi.
Batys Qazaqstan oblysynda túnde jáne tańerteń soltústigi men shyǵysynda tuman túsedi. Oblystyń batysynda, ońtústiginde jáne shyǵysynda órt qaýpi joǵary deńgeıde saqtalady. Oral qalasynda da túnde jáne tańerteń tuman bolady.
Abaı oblysynda túnde jáne tańerteń shyǵysynda tuman kútiledi. Jel batystan, soltústik-batystan soǵady. Kúndiz oblystyń ońtústiginde jel ekpini sekýndyna 15–20 metrge jetedi.
Mańǵystaý oblysynda túnde jáne tańerteń batysy men ortalyǵynda tuman túsedi. Óńirdiń ortalyǵynda órt qaýpi joǵary deńgeıde saqtalady. Aqtaý qalasynda da túnde jáne tańerteń tuman kútiledi.
Shyǵys Qazaqstan oblysynda túnde jáne tańerteń soltústigi men shyǵysynda tuman bolady. Jel ońtústik-batystan soǵyp, keıin soltústik-batysqa aýysady. Túnde oblystyń soltústik-batysynda, al kúndiz ońtústik-shyǵysynda jel ekpini sekýndyna 15–20 metrge jetedi.
Aqtóbe oblysynyń shyǵysynda órt qaýpi joǵary deńgeıde saqtalsa, batysynda, ońtústiginde jáne ortalyǵynda tótenshe deńgeıde bolady.
Jambyl oblysynyń taýly aýdandarynda tuman kútiledi.
Qostanaı oblysynda túnde jáne tańerteń batysynda, soltústiginde jáne ońtústiginde tuman túsedi. Óńirdiń ońtústiginde órt qaýpi joǵary deńgeıde saqtalady.
Pavlodar oblysynda túnde jáne tańerteń batysynda, soltústiginde jáne shyǵysynda tuman kútiledi.
Qazaqstanda aldaǵy demalys kúnderi jáne kelesi aptanyń basynda mol jaýyn-shashyn túsip, aýa temperatýrasy +28 gradýsqa deıin jylynady. Odan keıin kún qaıta sýytady.
Buǵan deıin «Qazgıdromet» 12 qazanda birqatar óńirde jańbyr jaýyp, shyǵysta qar aralas jaýyn-shashyn kútiletinin habarlady. Sondaı-aq respýblıka boıynsha túnde jáne tańerteń tuman túsetini belgili boldy.
