10 qazanda Astanada ótetin mańyzdy is-sharalar ańdatpasy
Kazinform agenttigi 10 qazan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10.00-de Úkimettiń kezekti otyrysy ótedi. Kún tártibinde 2023 jylǵy qańtar-qyrkúıektegi áleýmettik-ekonomıkalyq damý qorytyndylary jáne respýblıkalyq bıýdjettiń atqarylýy; jylytý maýsymyndaǵy órt qaýipsizdigi sharalary; tehnıkalyq jáne kásiptik bilim berýdi damytý máseleleri qaralady.
11.00-de SILTEME press-klýbynda Qazaqstannyń densaýlyq saqtaý mınıstrligi men jeke medıtsınalyq ortalyqtarynyń dıalogyna arnalǵan baspasóz máslıhaty bastalady.
11.00-de BCC Centre bıznes ortalyǵynda Astana qalasy ákiminiń birinshi orynbasary Nurlan Nurkenovpen elordanyń bıznes-qoǵamdastyǵynyń kezekti kezdesý ótedi.
11.00-de Astana qalasy kommýnıkatsııalar qyzmetinde «Jastardy jumysqa ornalastyrý týraly: alǵashqy jumys orny, jastar praktıkasy jáne urpaqtar kelisimsharty» týraly onlaın brıfıng ótedi. Spıkerler: Astana qalasy ákimdiginiń «Eńbek mobıldiligi ortalyǵy» KMM dırektory Oljas Omar, Astana qalasy Jastar saıasaty máseleleri basqarmasynyń basshysy Qaırat Qambarov. Tikeleı efır Astana qalasy kommýnıkatsııalar qyzmetiniń Facebook-tegi resmı paraqshasynda júrgiziledi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Jastar kásipkerligin qoldaý jónindegi sharalar týraly» baspasóz máslıhaty ótedi. Spıkerler: Mádenıet jáne aqparat vıtse-mınıstri Evgenıı Kochetov; Mádenıet jáne aqparat mınıstrligi Jastar jáne otbasy isteri komıteti tóraǵasynyń orynbasary Rollan Quspan; «Azamattyq bastamalardy qoldaý ortalyǵy» komertsııalyq emes aqtsıonerlik qoǵamy basqarma tóraǵasynyń mindetin atqarýshy Arman Ashkın; «Túpqaraǵan jastary» qoǵamdyq birlestiginiń tóraǵasy, 2023 jyly Almaty qalasy jáne Mańǵystaý oblysynda «Zhas project» jobasyn iske asyrý boıynsha grant alýshy Naýryzbek Maǵdatov; Májilis depýtaty, 2021 jylǵy «Táýelsizdik urpaqtary» grantynyń ıegeri Dınara Naýmova. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
15.00-de Qazmedıa ortalyǵynda «Jastar» ǵylymı-zertteý ortalyǵy «Qazaqstan jastary: Memleket basshysynyń joldaýy aıasynda» taqyrybynda pikirtalas uıymdastyrylady.
15.00-de Energetıka vıtse-mınıstri Jandos Nurmaǵambetov jýrnalıster suraǵyna jaýap beredi.
19.00-de Jas kórermenderdiń mýzykalyq teatrynda Batys Qazaqstan oblysynyń kameralyq orkestri «Elordaǵa Aq Jaıyqtan sálem» kontsertin usynady.