10 qazan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi 10 qazan kúni Qazaqstanda ótetin mańyzdy sharalarǵa sholýdy usynady.
9.00-de «Radisson Hotel Astana» qonaq úıinde básekelestikti jáne kásipkerlikti damytý máseleleri boıynsha «Ekonomıkalyq taldaý jáne monopolııaǵa qarsy tergep-tekserýlerdegi komplaens-baǵdarlamalardyń róli» taqyrybynda jyl saıynǵy konferentsııa ótedi.
9.30-da EKSPO aýmaǵyndaǵy Kongress-ortalyqta transshekaralyq aǵyn sýlar men halyqaralyq kólderdi qorǵaý jáne paıdalaný týraly Konventsııa Taraptary Keńesiniń segizinshi sessııasy ótedi.
10.00-de Beıbitshilik jáne kelisim saraıynda «Dinı kóshbasshylar qaýipsiz álem úshin» taqyrybynda Álemdik jáne dástúrli dinder kóshbasshylarynyń VI Sezi ótedi.
12.20-da Ortalyq kommýnıkatsııalar qyzmetinde Prezıdenttiń Qazaqstan halqyna Joldaýy aıasynda «Іri munaı jobalary: otandyq munaı kásibiniń múmkinshilikteri men syn-tegeýrinderi» taqyrybynda baspasóz máslıhaty ótedi.
14.30-da «Nur Otan» partııasynyń Astana qalalyq fılıalynyń birinshi orynbasary Baqyt Saparov partııanyń «Mektep ashanalary» jobasy aıasynda elorda mektepterin aralaıdy.
15.00-de Qazaqstan Respýblıkasynyń Ulttyq akademııalyq kitaphanasynda belgili qoǵam qaıratkeri Tursynbek Ómirzaqovtyń «Hronıkı atakýıýşego depýtata» atty kitaptyń tusaýkeseri ótedi.
ALMATY
10.00-de Oqýshylar saraıynda Almaty qalasynyń Bilim berý basqarmasy, Almaty qalasy Memlekettik qyzmet isteri jáne sybaılas jemqorlyqqa qarsy is-qımyl departamenti QR Prezıdenti - Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń negizgi erejelerin túsindirý aıasynda Almaty qalasynyń pedagogıkalyq qyzmetkerleri arasynda «Adal Ustaz »qalalyq baıqaýyn ótkizedi.
10.00-de Almaty Menedjment Ýnıversıtetinde «Jastar bastamalary, azamattyq qoǵam, eriktilik» Dostastyǵynyń jas kóshbasshylarynyń forýmy ótedi.
11.00-de «Suńqar» qus tálimbaǵynda «Efes Qazaqstan» kompanııasynyń «Óz úlesińdi qos! Tabıǵatty qorǵa!» korporatıvtik áleýmettik jaýapkershiligi jobasy aıasynda búrkitterdiń jas urpaǵyn jabaıy tabıǵatqa jiberý rásimi ótedi.
11.00-de Almaty qalasynyń «Baıqońyr» metro stantsııasynda «Mobıldi jumyspen qamtý ortalyǵy» + «Narkobeket» jobasy aıasynda nashaqorlyqqa qarsy kúres jáne jumysqa ornalastyrý boıynsha tanys ótkiziledi.
11.30-da Almaty qalasynyń Óńirlik kommýnıkatsııalar qyzmetinde «Almaty qalasynyń bıýdjetin oryndaý týraly» baspasóz máslıhaty ótedi.
