10 qazan. Kazinform kúntizbesi. Tulǵalar týǵan kún
Búgin, 10 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Nurlan BAIBAZAROV, Qazaqstan Respýblıkasy Prezıdentiniń ekonomıkalyq máseleler jónindegi kómekshisi
1975 jyly týǵan. Qazaq memlekettik basqarý akademııasyn bitirgen, ekonomıst.
Eńbek joly: Qazaqstan Respýblıkasy Qarjy mınıstrliginde jumys istegen (1997-2003); «Qazaqstannyń Damý Banki» AQ jobalarǵa agenttik qyzmet kórsetý basqarmasynyń bastyǵy, ınvestıtsııalyq jobalar jónindegi basqarýshy dırektory, korporatıvtik damý departamentiniń dırektory, korporatıvtik hatshysy (2004-2011); Qazaqstan Respýblıkasy Ulttyq ekonomıka mınıstrliginde ekonomıkalyq salalardy damytý departamentiniń dırektory (2013-2016); «Ónerkásipti damytý qory» AQ dırektorlar keńesiniń múshesi, basqarma tóraǵasy (07.2016-2022); «Qazaqstannyń Damý Banki» AQ basqarma tóraǵasy (2022-2023); «Báıterek» UIH» AQ basqarma tóraǵasy (2023-2024); Qazaqstan Respýblıkasy Premer-Mınıstriniń orynbasary — Ulttyq ekonomıka mınıstri (2024); Qazaqstan Respýblıkasy Prezıdenti Ákimshiliginiń ınvestıtsııalyq jáne saýda bóliminiń meńgerýshisi (10.2025-2026).
Qazirgi qyzmetin 2026 jyldyń naýryz aıynan beri atqaryp keledi.
Erlan ANDABAEV, Qostanaı oblysy prokýrorynyń orynbasary
1976 jyly Jetisý oblysynda týǵan. Ol Qazaq memlekettik zań ýnıversıtetin quqyqtaný mamandyǵy boıynsha bitirgen (1998).
Eńbek joly: Astana qalasy Saryarqa aýdany prokýrorynyń kómekshisiniń taǵylymdamadan ótýshisi (1998); Jambyl aýdany prokýrorynyń orynbasary, Alakól jáne Sarqanda aýdandarynyń, sondaı-aq Almaty oblysy Qonaev qalasynyń prokýrory; jáne Shyǵys Qazaqstan oblysy prokýrorynyń orynbasary (2022-2026).
Qazirgi qyzmetin 2026 jyldyń aqpan aıynan beri atqaryp keledi.
Ǵalymjan ELEÝOV, Aqtóbe oblysy ákiminiń orynbasary
1978 jyly Aqtóbe qalasynda týǵan. 2001 jyly Marat Ospanov atyndaǵy Batys Qazaqstan memlekettik medıtsına akademııasyn «Hırýrgııa» mamandyǵy boıynsha bitirgen. 2006 jyly Astana qalasyndaǵy Ulttyq ǵylymı medıtsınalyq ortalyqta aspırantýrada oqydy. 2008 jyly Astana qalasyndaǵy Qazaq memlekettik zań akademııasyn «Quqyqtaný» mamandyǵy boıynsha támamdaǵan. 2010 jyly dıssertatsııasyn sátti qorǵap, medıtsına ǵylymdarynyń kandıdaty ǵylymı dárejesine ıe boldy. 2011 jyly Nazarbaev Ýnıversıtetiniń Joǵary bıznes mektebin MBA iskerlik ákimshilendirý salasyndaǵy Dıýk Ýnıversıtetiniń Fýkýa bıznes-mektebiniń baǵdarlamasy boıynsha aıaqtady.
Eńbek joly: 2002 jyly Aqtóbe qalasyndaǵy «№ 2 qalalyq emhana» MKK dáriger-hırýrg boldy. 2004-2010 jyldary Aqtóbe qalasynyń Jedel medıtsınalyq járdem aýrýhanasynda dáriger-hırýrg bolyp jumys istedi. 2010-2012 jyldary Aqtóbe qalasyndaǵy «№ 2 qalalyq emhana» MKK bas dárigerdiń orynbasary mindetin atqardy. 2010-2021 jyldary Aqtóbe qalasyndaǵy «Darý klınıkasy» ońaltý medıtsınalyq ortalyǵynyń dırektory, 2016-2021 jyldary Nur-Sultan qalasyndaǵy «DARU» ulttyq ońaltý medıtsınalyq ortalyǵynyń dırektory, 2018-2021 jyldary Aqtóbe qalasyndaǵy «Kóz Jaryǵy» klınıkasy oftalmologııalyq ortalyǵynyń dırektory bolyp jumys istedi. 2020-2021 jyldary Aqtóbe qalasyndaǵy «DARU NEFROS» medıtsına ortalyǵynyń dırektory, 2021-2023 jyldary VII shaqyrylymdaǵy QR Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi qyzmetterin atqardy.
Qazirgi qyzmetin 2023 jyldyń qyrkúıeginen atqaryp keledi.
«Qazaqstan Konstıtýtsııasyna 25 jyl» (2020), «Eren eńbegi úshin» (2020), QR DSM «Densaýlyq saqtaý isiniń úzdigi» (2020) medaldarymen, «Jomart jan» (2019) tós belgisimen marapattalǵan.
Málik OLJABEKOV, QR Jasandy ıntellekt jáne tsıfrlyq damý vıtse-mınıstri
1986 jyly Almaty oblysynda týǵan. KIMEP Ýnıversıtetin bıznes ákimshiligi jáne býhgalterlik esep bakalavry dárejesimen (2009); jáne Ál-Farabı atyndaǵy Qazaq ulttyq ýnıversıtetin zań magıstri dárejesimen bitirgen (2014).
Eńbek joly: «Respýblıkalyq ǵaryshtyq baılanys ortalyǵy» AQ bólim menedjeri (2010-2012); «RǴBO» AQ qoǵammen baılanys jáne halyqaralyq yntymaqtastyq sektorynyń meńgerýshisi (2012); «RǴBO» AQ korporatıvtik damý departamentiniń satý jáne marketıng bóliminiń meńgerýshisi (2012-2014); «RǴBO» AQ kommertsııalyq dırektorynyń mindetin atqarýshy (2014-2017); Qazaqstan Respýblıkasy Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary (2017-2019); Qazaqstan Respýblıkasy Tsıfrlyq damý, qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary (2019-2021).
Qazirgi qyzmetin 2021 jyldyń qyrkúıeginen beri atqaryp keledi.
