10 qarashada elimizdiń basym bóliginde azdaǵan qar jaýady - aýa raıy boljamy
TANA. 9 qarasha. QazAqparat - 10 qarashada elimizdiń basym bóliginde azdaǵan qar túsedi, al ońtústik óńirlerde tuman bolady. Batys óńirler belsendi tsıklonnyń yqpalynda bolyp, munda ara-tura jel turyp, kóktaıǵaq bolady,
dep habarlaıdy Tótenshe jaǵdaılar mınıstrliginiń baspasóz qyzmeti Qazgıdrometke silteme jasap.
Batys Qazaqstan, Atyraý oblystarynyń keı jerlerinde tuman túsip, kóktaıǵaq bolady, jeldiń kúshi sekýndyna 18-23 metrge deıin jetedi. Batys Qazaqstan oblysynda boran soǵýy yqtımal. Sondaı-aq Aqmola, Pavlodar, Qostanaı, Qaraǵandy, Mańǵystaý oblystarynyń jekelegen aımaqtarynda jeldiń jyldamdyǵy sekýndyna 15-20 metrge deıin jetedi. Aqtóbe oblysynda kóktaıǵaq, jeldiń ekpini sekýndyna 15-20 metrge jetedi dep kútilýde. Qyzylorda, túnde Ońtústik Qazaqstan oblysynyń jekelegen jerlerinde tuman túsip, kúndiz Ońtústik Qazaqstanda sekýndyna 15-20 metr jyldamdyqpen jel soǵady. Aldaǵy táýlikterde Qazaqstannyń birqatar sý qoımalarynda muz qata bastaıdy.
