10 qarashada aýa raıy qandaı bolady
NUR-SULTAN. QazAqparat - Sınoptıkter 10 qarashada kún buzylyp, jańbyr jaýatynyn boljady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóliginde aýa raıy Ob shyǵanaǵy aımaǵynan keletin tsıklonǵa baılanysty bolady. Elde turaqsyz aýa raıy saqtalady, jaýyn-shashyn (jańbyr, qar) jaýady.
Kúndiz Shyǵys Qazaqstan oblysynyń keı jerlerinde qar jaýady. Respýblıkanyń keı jerlerinde jel ekpini 23-28 m/s deıin kúsheıedi. Tuman túsedi, kóktaıǵaq bolady.
Soltústik jáne shyǵys óńirlerde jaıaý burqasyn kóteriledi. Tek ońtústik-shyǵysta antıtsıklon yqpalynan jaýyn-shashyn bolmaıdy.
Shyǵys Qazaqstan oblysynyń keı jerlerinde jel ekpini 23-28 m/s jetedi, tuman túsip, kóktaıǵaq, jaıaý burqasyn soǵady.
Aqmola oblysynyń túnde basym bóliginde jel ekpini - 23 m/s. Kúndiz keı jerlerinde jel 15-20 m/s jetedi, keı jerlerde - tuman, kóktaıǵaq, jaıaý burqasyn.
Soltústik Qazaqstan oblysynyń keı jerlerinde jel qarqyny 25 m/s deıin kúsheıedi, tuman, jaıaý burqasyn bolady.
Qostanaı, Qaraǵańdy oblystarynyń keı jerlerinde jel jyldamdyǵy 15-20 m/s jetedi. Tuman, kóktaıǵaq, jaıaý burqasyn kútiledi.
Pavlodar oblysynda jel ekpini - 15-20 m/s. Keı jerlerde kóktaıǵaq, jaıaý burqasyn bolady.
Jambyl, Túrkistan, Batys Qazaqstan, Aqtóbe oblystarynyń keı jerlerinde jeldiń kúshi 15-20 m/s bolady. Tuman túsedi. Batys Qazaqstan oblysynyń keı jerlerinde kóktaıǵaq baıqalady.
Túnde jáne tańerteń Qyzylorda oblysynyń keı jerlerinde jel 15-20 m/s deıin kúsheıedi.
Mańǵystaý, Almaty, Atyraý oblystarynda tuman túsedi.
