10 qarasha. Tulǵalar týǵan kún

Búgin, 10 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

70 jyl buryn (1954) memleket jáne qoǵam qaıratkeri, dıplomat, Eýropadaǵy qaýipsizdik jáne yntymaqtastyq uıymynyń (EQYU) Adam saýdasymen kúres jónindegi arnaıy ókili Mádına Bıneshqyzy JARBOSYNOVA dúnıege keldi.

Almaty qalasynda týǵan. Almaty pedagogıkalyq shet tilder ınstıtýtyn, KSRO Ǵylym Akademııasynyń Til bilimi ınstıtýtynyń aspırantýrasyn bitirgen. Fılologııa ǵylymynyń kandıdaty, 2-synypty Tótenshe jáne Ókiletti ýákil.

Almaty pedagogıkalyq shet tilder ınstıtýtynyń oqytýshysy, aǵa oqytýshysy, Qazaq memlekettik qyzdar pedagogıkalyq ınstıtýtynyń aǵa oqytýshysy bolyp qyzmet atqarǵan. 1991-1995 jyldary – QR Joǵarǵy Keńesi Sheteldik aqparat jáne aýdarmalar sektorynyń meńgerýshisi. 1995-1997 jyldary – QR Syrtqy ister mınıstrliginiń birinshi hatshysy, keńesshisi, Halyqaralyq uıymdar jáne halyqaralyq ekonomıkalyq qatynastar basqarmasy bastyǵynyń orynbasary, basqarma bastyǵy. 1997 jyly QR Syrtqy ister mınıstrliginiń kóp jaqty yntymaqtastyq departamenti dırektorynyń orynbasary. 1997-1998 jyldary – QR Syrtqy ister mınıstrliginiń BUU jáne halyqaralyq ekonomıkalyq uıymdar basqarmasynyń bastyǵy - 1-departament dırektorynyń orynbasary. 1998-1999 jyldary – QR Syrtqy ister mınıstrligi 1-departamentiniń dırektory, QR Syrtqy ister vıtse-mınıstri. 1999-2003 jyldary BUU-daǵy Qazaqstannyń Turaqty ókili, QR Kýba Respýblıkasyndaǵy Tótenshe jáne Ókiletti Elshisi qyzmetin qosymsha atqarǵan. 2003 jyldyń aqpanynan naýryzyna deıin – Birikken Ulttar Uıymy Bas assambleıasynyń tóraıymy. 2003 jyldyń tamyzynan QR Syrtqy ister mınıstrliginiń erekshe tapsyrmalar boıynsha elshisi. 2013 jyldyń mamyr aıynda EQYU Ýkraınadaǵy jobalarynyń úılestirýshisi bolyp taǵaıyndaldy. 2014 jyldyń maýsym aıynda EQYU-nyń Adam saýdasymen kúres jónindegi arnaıy ókili bolyp taǵaıyndaldy.

68 jyl buryn (1956) Qazaqstannyń mádenıet jáne saıasat qaıratkeri Maıra Arapqyzy AISINA dúnıege keldi.

Burynǵy Kókshetaý, qazirgi Aqmola oblysy Zerendi aýdanynyń Kostomarovka aýylynda týǵan. Qaraǵandy memlekettik ýnıversıtetin matematıka pániniń oqytýshysy mamandyǵy boıynsha, Almaty saıasattaný jáne basqarý ınstıtýtyn saıasattaný mamandyǵy boıynsha, Qazaq gýmanıtarlyq-zań ýnıversıtetin zańger mamandyǵy boıynsha bitirgen.

Eńbek jolyn 1974 jyly Qaraǵandy qalasy №27 orta mektebinde bastaǵan. 1994 jyly – QR Jastar isi, týrızm jáne sport mınıstrliginiń jastar saıasaty bas basqarmasynyń bastyǵy. 1997 jyly – QR Bilim jáne mádenıet mınıstrliginiń úılestirý jáne baqylaý departamenti uıymdastyrý jáne qujattamamen qamtamasyz etý basqarmasynyń bastyǵy. 1997-1999 jyldary – QR Bilim berý, mádenıet jáne densaýlyq saqtaý mınıstrliginiń ákimshilik departamenti dırektorynyń orynbasary. 1999-2001 jyldary QR Densaýlyq saqtaý, bilim jáne sport mınıstrliginiń ákimshilik departamenti dırektorynyń orynbasary. 2001 jyly QR Premer-Mınıstri Keńsesiniń Áleýmettik-mádenı damý bóliminiń konsýltanty, bilim sektorynyń meńgerýshisi. 2005-2006 jyldary QR Bilim jáne ǵylym vıtse-mınıstri. 2006-2007 jyldary «Otan» Respýblıkalyq saıası partııasy Ortalyq apparatynyń basshysy, apparat basshysynyń birinshi orynbasary. 2007-2011 jyldary IV saılanǵan Qazaqstan Respýblıkasy Parlamenti Májilisiniń depýtaty. 2012-2016 jyldary V saılanǵan QR Parlamenti Májilisiniń depýtaty. 2016-2021 jyldary VІ saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi.

«Qurmet» ordenimen (2011), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Eren eńbegi úshin» (2005), «Astana» (2006), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń táýelsizdigine 25 jyl» (2016) medaldarimen marapattalǵan.

66 jyl buryn (1958) saıası ǵylymdar doktory, professor, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń múshesi, RF Saıası ǵylymdar akademııasynyń múshesi, Álıhan Bókeıhanov atyndaǵy ýnıversıtettiń rektory Shyryn Asylhanqyzy QURMANBAEVA dúnıege keldi.

Shyǵys Qazaqstan oblysy Semeı qalasynda týǵan. QazMÝ-diń tarıh fakýltetin (1980, qazirgi QazUÝ) jáne Qazaq zań akademııasyn (2000) bitirgen. Tarıhshy, saıasattaný ǵylymnyń doktory (2003), professory (2006). Reseı saıasattaný akademııasynyń tolyq múshesi. QR Bilim berý isiniń qurmetti qyzmetkeri (2004).

Eńbek joly: 1980-1982 jyldary Semeı mal dárigerlik ınstıtýtynda assıstent, 1982-1998 jyldary Semeı et jáne sút ónerkásibi tehnologııalyq ınstıtýtynda stajer-izdenýshi, oqytýshy, aǵa oqytýshy, dotsent, 1998-2000 jyldary Qazaq zań akademııasy Semeı bólimshesiniń jáne 2000-2003 jyldary Semeı zań ınstıtýtynyń dırektory, 2003-2007 jyldary Qazaq gýmanıtarlyq zań ýnıversıtetiniń rektory, 2007-2009 jyldary Semeı ýnıversıtetiniń prezıdenti qyzmetterin atqardy.

Qazirgi qyzmetin 2009 jyldan beri atqaryp keledi.

51 jyl buryn (1973) Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń prorektory Maralbek Aqylbekuly ESІMOV dúnıege keldi.

Aqmola oblysy Jaqsy aýdanynda týǵan. A.Baıtursynov atyndaǵy Qostanaı memlekettik ýnıversıtetin quqyqtaný mamandyǵy boıynsha bitirgen (1998).

Eńbek joly: Aqmola oblysy Jaqsy aýdandyq ІІB kúzet bóliminiń elektr monteri (1990-1991, 1993-1994); Qostanaı oblysynyń prokýratýrasynda qyzmet (1998-2005); bólim prokýrory, Qazaqstan Respýblıkasy Bas prokýratýrasynyń Kadr jumysy departamentiniń Uıymdastyrý-taldaý basqarmasynyń bastyǵy (2005-2012); Qazaqstan Respýblıkasy Bas prokýratýrasy Quqyqtyq statıstıka jáne arnaıy esepke alý jónindegi komıtetiniń oblystyq kólik basqarmasynyń bastyǵy (2012-2018); Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Astana qalasy boıynsha departamentiniń basshysy (2018-2019).

2019 jyldyń naýryz aıynan beri qazirgi qyzmetinde.

48 jyl buryn (1976) VIII saılanǵan Qazaqstan Respýblıkasy Parlamenti Májilisiniń depýtaty Rýslan Sádýaqasuly QOJASBAEV dúnıege keldi.

Almaty oblysy Sarqan aýdanynda týǵan. Abaı atyndaǵy Almaty memlekettik ýnıversıtetin zańger mamandyǵy boıynsha bitirgen.

Eńbek joly: Almaty qalasy jáne Shyǵys Qazaqstan oblysy qarjy polıtsııasynyń qyzmetkeri (1999-2004); Kúrdeli qurylys, ınvestıtsııalyq jobalar departamentiniń dırektory; ártúrli kompanııalardaǵy bas menedjer; «Parasat Holdıngi» AQ vıtse-prezıdenti; «Energo-Injınırıng» JShS baqylaý keńesiniń tóraǵasy; «Almaty oblysynyń kásipkerlik jáne ındýstrıaldy-ınnovatsııalyq damý basqarmasy» memlekettik mekemesiniń basshysy (2018-2020); «Jetisý» áleýmettik-kásipkerlik korporatsııasy «Óńirlik damý ınstıtýty» AQ basqarma tóraǵasy (2020-2023).

2023 jyldyń naýryz aıynan bastap qazirgi qyzmetinde.

40 jyl buryn (1984) Qyzylorda oblysynyń qoǵamdyq damý basqarmasynyń basshysy Rýslan Muhamedáliuly QAıÝPOV dúnıege keldi.

Qyzylorda oblysy Shıeli aýdanynda týǵan. Qyzylorda memlekettik ýnıversıtetin bitirgen, ekonomıka magıstri; Qazaqstan Respýblıkasy Prezıdentiniń janyndaǵy AMÝ, memlekettik basqarý magıstri.

Eńbek joly: «Samuryq» ınnovatsııalyq ıdeıalardy damytý ortalyǵy» qoǵamdyq qorynyń jastardy jumyspen qamtý jobasynyń aǵa úılestirýshisi (2010-2011); Shıeli aýdandyq ishki saıasat bóliminiń mamany (2011-2012); Qyzylorda oblysynyń jastar saıasaty basqarmasynyń bas mamany (2012-2013); Qyzylorda qalalyq ishki saıasat bóliminiń mamany (2013); Qyzylorda oblysy ákimi apparatynyń Qoǵamdyq kelisim ortalyǵynyń bas sarapshysy; Qyzylorda qalasy ákimi apparatynyń bas ınspektory, Qyzylorda qalasy ákiminiń baspasóz hatshysy; qalalyq ishki saıasat bóliminiń basshysy (2018-2020); Qyzylorda oblysynyń Qoǵamdyq damý basqarmasy basshysynyń orynbasary (2020-07.2024).

2024 jyldyń shilde aıynan bastap qazirgi qyzmetinde.

37 jyl buryn (1987) Qazaqstan Respýblıkasynyń qarjy vıtse-mınıstri Áset Nurlanuly TURYSOV dúnıege keldi.

Máskeý qalasynda týǵan. Ál-Farabı atyndaǵy Qazaq ulttyq memlekettik ýnıversıtetiniń «Matematıkalyq jáne kompıýterlik modeldeý bakalavry» mamandyǵyn bitirdi. 2017 jyly «Ekonomıka bakalavry» mamandyǵy boıynsha «Narhoz» ýnıversıtetin aıaqtady.

Eńbek jolyn 2009 jyly «Qazaqtelekom» AQ aqparattyq júıeler dırektsııasynyń operatsııalyq júıelerdi basqarý bóliminiń ınjener-júıe ákimshisi bolyp bastaǵan. 2011-2014 jyldary QR Kólik jáne kommýnıkatsııa mınıstrliginiń aqparattyq tehnologııalar salasyndaǵy memlekettik saıasat departamentiniń sarapshysy, bas sarapshysy bolyp qyzmet etti. 2014 jyly Astana qalasyndaǵy «Halyqqa qyzmet etý ortalyǵy» RMK, 2014-2018 jyldary «Qazposhta» AQ basqarýshy dırektory laýazymynda qyzmet etti. 2017 jyldan «Azamattarǵa arnalǵan úkimet» Memlekettik korporatsııasy» KE AQ Dırektorlar keńesiniń táýelsiz dırektory. 2018-2021 jyldary «Ulttyq aqparattyq tehnologııalar» AQ basqarma tóraǵasy.

Qazirgi qyzmetin 2024 jyldyń naýryz aıynan beri atqaryp keledi.