10 qarasha. Kazinform kúntizbesi. Tulǵalar týǵan kún

Mádına JARBOSYNOVA, memleket jáne qoǵam qaıratkeri, dıplomat, Eýropadaǵy qaýipsizdik jáne yntymaqtastyq uıymynyń (EQYU) adam saýdasyna qarsy kúres jónindegi arnaıy ókili, BUU-nyń Áıelderge qatysty kemsitýshiliktiń barlyq nysanyn joıý komıtetiniń múshesi

1954 jyly Almaty qalasynda dúnıege kelgen. 1975 jyly Almaty shet tilderi pedagogıkalyq ınstıtýtyn aǵylshyn tili muǵalimi mamandyǵy boıynsha, 1998 jyly QR Syrtqy ister mınıstrliginiń Dıplomatııalyq akademııasyn dıplomat mamandyǵy boıynsha, 2007 jyly D.A.Qonaev atyndaǵy ýnıversıtetti bitirgen. Fılologııa ǵylymdarynyń kandıdaty.

Eńbek joly: 1971-1977 jyldary Almaty shet tilderi pedagogıkalyq ınstıtýtynyń komsomol komıteti hatshysynyń orynbasary boldy. 1977-1980 jyldary KSRO Ǵylym akademııasy Til bilimi ınstıtýtynyń aspırantýrasynda oqydy. 1980-1983 jyldary Almaty shet tilderi pedagogıkalyq ınstıtýtynda oqytýshy, aǵa oqytýshy boldy. 1983-1987 jyldary Qazaqstan LKSM Ortalyq komıtetinde nusqaýshy, sektor meńgerýshisi qyzmetterin atqardy. 1987-1991 jyldary Qazaq memlekettik qyzdar pedagogıkalyq ınstıtýtynda partııa komıtetiniń hatshysy, aǵa oqytýshy bolyp jumys istedi. 1991-1995 jyldary QR Joǵarǵy Keńesiniń sheteldik aqparat jáne aýdarma sektorynyń meńgerýshisi boldy. 1995-1997 jyldary QR Syrtqy ister mınıstrliginde birinshi hatshy, keńesshi, basqarma bastyǵynyń orynbasary, Halyqaralyq uıymdar jáne halyqaralyq ekonomıkalyq qatynastar bas basqarmasynyń bastyǵy qyzmetterin atqardy. 1997 jyly Syrtqy ister mınıstrliginiń Kópjaqty yntymaqtastyq departamenti dırektorynyń orynbasary boldy. 1997-1998 jyldary BUU jáne halyqaralyq ekonomıkalyq uıymdar basqarmasynyń bastyǵy – Syrtqy ister mınıstrligi birinshi departamenti dırektorynyń orynbasary qyzmetin atqardy. 1998 jyly QR Syrtqy ister mınıstrliginiń birinshi departamentiniń dırektory, 1998-1999 jyldary syrtqy ister vıtse-mınıstri qyzmetterin atqardy. 1999-2003 jyldary Qazaqstannyń BUU janyndaǵy Turaqty ókili, sonymen qatar Qazaqstannyń Kýba Respýblıkasyndaǵy Tótenshe jáne Ókiletti Elshisi boldy. 2003 jyly BUU Bas Assambleıasynyń tóraǵasy qyzmetin atqardy. Sol jyldan bastap QR Syrtqy ister mınıstrliginiń erekshe tapsyrmalar jónindegi elshisi boldy. 2003-2004 jyldary Qazaqstannyń Shanhaı yntymaqtastyq uıymyna qatysý máseleleri jónindegi ulttyq úılestirýshisi qyzmetin atqardy. 2012-2014 jyldary EQYU-nyń Ýkraınadaǵy jobalar úılestirýshisi boldy. 2014 jyldan bastap EQYU-nyń adam saýdasyna qarsy kúres jónindegi arnaıy ókili, al 2024 jylǵy maýsymnan beri BUU-nyń Áıelderge qatysty kemsitýshilikti joıý komıtetiniń múshesi.

Shyryn QURMANBAEVA, Alikhan Bokeikhan University prezıdenti

1958 jyly Semeı qalasynda dúnıege kelgen. 1980 jyly S.M.Kırov atyndaǵy Qazaq memlekettik ýnıversıtetin tarıhshy, tarıh jáne qoǵamtaný pánderiniń oqytýshysy mamandyǵy boıynsha, 2000 jyly Qazaq zań akademııasyn zańger mamandyǵy boıynsha bitirgen.

Eńbek joly: 1980-1982 jyldary Semeı zootehnıkalyq-maldárigerlik ınstıtýtynda assıstent boldy. 1982-1984 jyldary Semeı et jáne sút ónimderi tehnologııalyq ınstıtýtynda ǵylymı-zertteý taǵylymdamasynan ótti. 1984-1990 jyldary osy ınstıtýtta oqytýshy, 1990-1994 jyldary aǵa oqytýshy, 1994-1998 jyldary aǵa oqytýshy, dotsent qyzmetterin atqardy. 1998-2000 jyldary Qazaq memlekettik zań akademııasynyń Semeı fılıalyn basqardy. 2000-2002 jyldary «Qazaq memlekettik zań akademııasy» respýblıkalyq memlekettik qazynalyq kásipornynyń Semeı zań ınstıtýtynyń dırektory boldy. 2002-2003 jyldary «Qazaq gýmanıtarlyq-zań ýnıversıteti» jabyq aktsıonerlik qoǵamynyń Semeı zań ınstıtýtyn basqardy. 2003-2007 jyldary osy ınstıtýttyń rektory, 2007-2009 jyldary M.O.Áýezov atyndaǵy Semeı ýnıversıtetiniń prezıdenti qyzmetin atqardy. 2009-2023 jyldary Qazaq gýmanıtarlyq-zań ınnovatsııalyq ýnıversıtetiniń (qazirgi Alikhan Bokeikhan University) rektory boldy.

Qazirgi qyzmetin 2023 jylǵy tamyzdan beri atqaryp keledi.

2017 jyly «Parasat» ordenimen, 2008 jyly «Shapaǵat», 2011 jyly «Qazaqstan Respýblıkasy táýelsizdiginiń 20 jyldyǵy», 2015 jyly «Qazaqstan Konstıtýtsııasyna 20 jyl» medaldarymen marapattalǵan. Sondaı-aq 2007 jyly «QR ǵylymyn damytýǵa qosqan úlesi úshin», 2018 jyly «Y.Altynsarın» tósbelgilerin ıelengen.

Maralbek EShІMOV, Aqmola oblysy prokýrorynyń birinshi orynbasary

1973 jyly Aqmola oblysy Jaqsy aýdanynda dúnıege kelgen. 1998 jyly A.Baıtursynov atyndaǵy Qostanaı memlekettik ýnıversıtetin quqyqtaný mamandyǵy boıynsha bitirgen.

Eńbek joly: 1990-1991 jáne 1993-1994 jyldary Aqmola oblysy Jaqsy aýdandyq ishki ister bóliminiń kúzet bólimshesinde elektr monteri boldy. 1998-2005 jyldary Qostanaı oblysynyń prokýratýra organdarynda qyzmet atqardy. 2005-2012 jyldary QR Bas prokýratýrasynyń kadr jumysy departamentinde bólim prokýrory, uıymdastyrý-taldaý basqarmasynyń bastyǵy, 2012-2018 jyldary Bas prokýratýranyń Quqyqtyq statıstıka jáne arnaıy esepke alý komıtetiniń óńirlik kólik basqarmasynyń bastyǵy, 2018-2019 jyldary osy komıtettiń Astana qalasy boıynsha basqarmasynyń bastyǵy, 2019-2026 jyldary QR Bas prokýratýrasy janyndaǵy Quqyq qorǵaý organdary akademııasynyń prorektory boldy.

Qazirgi qyzmetin 2026 jylǵy maýsymnan beri atqaryp keledi.

Rýslan QOJASBAEV, Qazaqstannyń memlekettik qaıratkeri

1976 jyly Almaty oblysy Sarqan aýdanynda dúnıege kelgen. Abaı atyndaǵy Almaty memlekettik ýnıversıtetin zańger mamandyǵy boıynsha bitirgen.

Eńbek joly: 1999-2004 jyldary Almaty qalasy men Shyǵys Qazaqstan oblysynyń qarjy polıtsııasy organdarynda qyzmet etti. Ártúrli kompanııalarda kúrdeli qurylys jáne ınvestıtsııalyq jobalar departamentteriniń dırektory, bas menedjer, «Parasat holdıng» AQ vıtse-prezıdenti qyzmetterin atqardy. «Energo-Injırıng» JShS baıqaý keńesiniń tóraǵasy boldy. 2018 jylǵy mamyr – 2020 jylǵy mamyr aralyǵynda Almaty oblysynyń kásipkerlik jáne ındýstrııalyq-ınnovatsııalyq damý basqarmasynyń basshysy, 2020-2023 jyldary «Jetisý» áleýmettik-kásipkerlik korporatsııasy» óńirlik damý ınstıtýty» AQ basqarma tóraǵasy boldy. 2023-2026 jyldary Qazaqstan Respýblıkasy Parlamenti Májilisiniń VIII shaqyrylym depýtaty.

Baǵlan ÓSERBAEV, «Astana» óńirlik qolbasshylyǵy áskerleriniń qolbasshysy

1978 jyly Túrkistan oblysy Ordabasy aýdanynyń Tórtkúl aýylynda dúnıege kelgen. Qazaqstan Respýblıkasy Qarýly kúshteriniń Áskerı akademııasyn motoatqyshtar áskerlerin basqarý taktıkasy mamandyǵy boıynsha, QR Ulttyq qorǵanys ýnıversıtetin áskerı jáne ákimshilik basqarý baǵyty boıynsha bitirgen. 2020 jyly Ulttyq qorǵanys ýnıversıteti Bas shtab akademııasynyń áskerı is salasyndaǵy strategııalyq menedjment baǵdarlamasyn támamdaǵan.

Eńbek jolyn desanttyq-shabýyldaý vzvodynyń komandıri qyzmetinen bastady. Rota komandırinen bastap, ártúrli garnızondardaǵy áskerı bólimderdiń komandırine deıingi qyzmetterdi atqardy. «Astana» óńirlik qolbasshylyǵy áskerleri qolbasshysynyń birinshi orynbasary, «Batys» óńirlik qolbasshylyǵy áskerleri qolbasshysynyń shtab bastyǵy – birinshi orynbasary boldy.

Qazirgi qyzmetin 2026 jylǵy sáýirden beri atqaryp keledi.

Rýslan QAıÝPOV, Qyzylorda oblysy ákimdigi qoǵamdyq damý basqarmasynyń basshysy

1984 jyly Qyzylorda oblysy Shıeli aýdanynda dúnıege kelgen. Qyzylorda memlekettik ýnıversıtetin bitirgen, ekonomıka magıstri. Qazaqstan Respýblıkasy Prezıdentiniń janyndaǵy Memlekettik basqarý akademııasynda «Memlekettik saıasat» bilim berý baǵdarlamasy boıynsha magıstr dárejesin alǵan.

Eńbek joly: 2010-2011 jyldary «Samuryq» ınnovatsııalyq ıdeıalardy damytý ortalyǵy» qoǵamdyq qorynyń jastardy jumyspen qamtý jobasynyń aǵa úılestirýshisi, 2011-2012 jyldary Shıeli aýdandyq ishki saıasat bóliminiń mamany, 2012-2013 jyldary Qyzylorda oblysynyń jastar saıasaty máseleleri basqarmasynyń bas mamany boldy. 2013 jyly Qyzylorda qalalyq ishki saıasat bóliminiń mamany, Qyzylorda oblysy ákiminiń apparaty Qoǵamdyq kelisim ortalyǵynyń bas sarapshysy, Qyzylorda qalasy ákiminiń apparatynda bas ınspektor, qala ákiminiń baspasóz hatshysy qyzmetin atqardy. 2018-2020 jyldary qalalyq ishki saıasat bóliminiń basshysy, 2020 jylǵy shilde – 2024 jylǵy shilde aralyǵynda Qyzylorda oblysynyń qoǵamdyq damý basqarmasy basshysynyń orynbasary bolyp eńbek etti.

Qazirgi qyzmetin 2024 jylǵy shildeden beri atqaryp keledi.

Áset TURYSOV, Qazaqstan Respýblıkasynyń qarjy vıtse-mınıstri

1987 jyly Máskeý qalasynda dúnıege kelgen. Ál-Farabı atyndaǵy Qazaq ulttyq ýnıversıtetin matematıkalyq jáne kompıýterlik modeldeý mamandyǵy boıynsha, «Narhoz» ýnıversıtetin ekonomıka mamandyǵy boıynsha bitirgen.

Eńbek jolyn 2009 jyly «Qazaqtelekom» AQ Aqparattyq júıeler dırektsııasynyń operatsııalyq júıelerdi ákimshilendirý bóliminde júıelik ákimshi-ınjener bolyp bastaǵan. 2011-2014 jyldary QR Kólik jáne kommýnıkatsııa mınıstrliginiń aqparattyq tehnologııalar salasyndaǵy memlekettik saıasat departamentiniń sarapshysy, bas sarapshysy boldy. 2014 jyly Astanadaǵy «Halyqqa qyzmet kórsetý ortalyǵy» RMK basqarýshy dırektory, 2014-2018 jyldary «Qazposhta» AQ basqarýshy dırektory qyzmetin atqardy. 2017 jyldan bastap «Azamattarǵa arnalǵan úkimet» memlekettik korporatsııasy» KEAQ Dırektorlar keńesiniń táýelsiz dırektory, 2018-2021 jyldary «Ulttyq aqparattyq tehnologııalar» AQ basqarma tóraǵasy, 2021-2024 jyldary QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri boldy.

Qazirgi qyzmetin 2024 jylǵy naýryzdan beri atqaryp keledi.

Oljas YSQAQOV, QR Densaýlyq saqtaý mınıstrliginiń Respýblıkalyq medıtsınalyq-sanıtarııalyq jedel járdem ortalyǵynyń basshysy

1988 jyly Qyzylorda qalasynda dúnıege kelgen. 2012 jyly S.Asfendııarov atyndaǵy Qazaq ulttyq medıtsına ýnıversıtetin dáriger mamandyǵy boıynsha bitirgen.

Eńbek joly: 2013-2014 jyldary Qyzylorda qalasyndaǵy №3 qalalyq emhanada ýchaskelik dáriger, 2014-2016 jyldary osy emhananyń bólim meńgerýshisi, 2016-2018 jyldary bas dárigerdiń orynbasary boldy. 2018 jyly Qyzylorda oblysynyń densaýlyq saqtaý basqarmasynda medıtsınalyq kómek kórsetýdi uıymdastyrý bóliminiń basshysy, 2018-2021 jyldary basqarma basshysynyń medıtsınalyq jáne profılaktıkalyq máseleler jónindegi orynbasary, 2021 jyly QR Densaýlyq saqtaý mınıstrligi Ana men bala densaýlyǵyn qorǵaý departamentiniń medıtsınalyq-áleýmettik ońaltý basqarmasynyń basshysy qyzmetin atqardy. 2021-2023 jyldary osy departament dırektorynyń orynbasary, 2023-2026 jyldary Qyzylorda oblysynyń densaýlyq saqtaý basqarmasynyń basshysy boldy.

Qazirgi qyzmetin 2026 jylǵy naýryzdan beri atqaryp keledi.

Nurbaqyt SERІKBAI, Almaty qalasynyń energetıka jáne sýmen jabdyqtaý basqarmasynyń basshysy

1996 jyly Túrkistan oblysy Kentaý qalasynda dúnıege kelgen. Almaty energetıka jáne baılanys ýnıversıtetin jylý energetıkasy mamandyǵy boıynsha bitirgen. Sondaı-aq osy ýnıversıtette ónerkásiptik jylý energetıkasy mamandyǵy boıynsha magıstr dárejesin alǵan.

Eńbek joly: 2018-2022 jyldary Almaty qalasynyń Energetıka jáne kommýnaldyq sharýashylyq basqarmasynyń energııa jáne jylýmen jabdyqtaý bóliminiń bas mamany, 2022-2023 jyldary Almaty qalasynyń Energetıka jáne sýmen jabdyqtaý basqarmasynyń energııa jáne jylýmen jabdyqtaý bóliminiń basshysy qyzmetin atqardy. 2023-2025 jyldary osy basqarma basshysynyń orynbasary boldy.

Qazirgi qyzmetin 2025 jylǵy shildeden beri atqaryp keledi.