10 qańtar. Tulǵalar týǵan kún
Búgin, 10 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
56 jyl buryn (1969) Almaty qalalyq sotynyń sýdıasy Rústem Іlııanuly JANSYQBAEV dúnıege keldi.
Almaty oblysy Kırov aýdanynda týǵan. Taldyqorǵan zań ınstıtýtyn bitirgen, zańger.
Eńbek joly: 1989-1990 jyldary Úshtóbe elektr jelisiniń elektr monteri, 1990-1991 jyldary Almaty qalasy Máskeý aýdandyq sotynyń kýreri, 1991-1997 jyldary Almaty qalasy Máskeý aýdandyq sotynyń ýaqytsha sot atqarýshysy, 1999-2000 jyldary QR Ádilet mınıstrligi Sot sheshimderin oryndaý komıtetiniń Almaty qalasy boıynsha departamentiniń sot oryndaýshysy qyzmetin atqardy. 2000 jyly QR Ádilet mınıstrligi Sot sheshimderin oryndaý komıtetiniń Almaty qalasy boıynsha departamentiniń kadr jumysy bóliminde bas maman, 2000-2001 jyldary QR Ádilet mınıstrligi Sot aktilerin oryndaý komıtetiniń Almaty qalasy boıynsha departamentiniń Túrksib aýdany aǵa sot oryndaýshysynyń mindetin atqarýshy, 2001 jyly Almaty qalasy Túrksib aýdany boıynsha aǵa sot oryndaýshysynyń mindetin atqarýshy, QR Joǵarǵy Sotynyń janyndaǵy Sot ákimshiligi komıtetiniń sottar ákimshisi qyzmetinde boldy. 2001-2003 jyldary QR Joǵarǵy Sotynyń janyndaǵy Sot ákimshiligi komıtetiniń Almaty qalalyq sottary ákimshisiniń orynbasary, 2003-2008 jyldary Almaty qalasy mamandandyrylǵan aýdanaralyq ákimshilik sotynyń sýdıasy, 2008-2013 jyldary Almaty qalasy mamandandyrylǵan aýdanaralyq ákimshilik sotynyń tóraǵasy, 2013-2016 jyldary Almaty qalasy Túrksib aýdandyq sotynyń tóraǵasy, 2016-2021 jyldary Atyraý oblysy boıynsha mamandandyrylǵan aýdanaralyq ekonomıkalyq sotynyń tóraǵasy bolyp qyzmet atqardy. 2021-2024 jyldary Almaty qalasy boıynsha mamandandyrylǵan aýdanaralyq ákimshilik sotynyń sýdıasy bolyp qyzmet etti.
Qazirgi qyzmetinde 2024 jyldyń shildesinen bastap.
55 jyl buryn (1970) qazaqstandyq kásipker, «Megapolıs» jáne «Bıznes ı vlast» gazetteriniń negizin qalaýshy, «31 arna» TRK negizin qalaýshy, Forbes Kazakhstan jetekshi isker basylymynyń shyǵarýshysy, «Tań» medıaholdınginiń prezıdenti, United Media Group kompanııasynyń jetekshisi, Qoǵamdyq senim Ulttyq keńesiniń múshesi, qazaqstandyq Young Presidents Organization múshesi Armanjan Merekeuly BAITASOV dúnıege keldi.
Almaty qalasynda týǵan. 1992 jyly Qazaq memlekettik ýnıversıtetiniń jýrnalıstıka fakýltetin qyzyl dıplommen bitirgen.
1989 jyldan bastap «Azııa daýysy» festıvaldar men baıqaýlar bóliminiń bas redaktory, 1991-1992 jyldary «Murager» shyǵarmashylyq birlestigi bas redaktorynyń orynbasary, 1990-1991 jyldary Qazaq teledıdary jastar redaktsııasynyń redaktory, 1992-2000 jyldary «31 arna» Medıaholdınginiń Prezıdenti qyzmetin atqardy. 2000-2003 jyldary – QR Ulttyq teleradıohabarlar qaýymdastyǵynyń prezıdenti. 2001 jyldan bastap Qazaqstannyń Jýrnalıstıka Akademııasynyń múshesi. 2007-2008 jyldary «Tań Medıa» dırektorlar keńesiniń tóraǵasy, 2008-2009 jyldary «Nur-Medıa» holdıngisiniń bas dırektory, 2009-2010 jyldary «Raýan Medıa Grýpp» dırektorlar keńesiniń tóraǵasy, 2010 jyldan - «TAŃ» TRK dırektorlar keńesiniń tóraǵasy, «Icon» JShS prezıdenti boldy. 2011 jylǵy qyrkúıekten - «UMG», kompanııasynyń basshysy, «Forbes Kazakhstan» basylymyna lıtsenzııa aldy.
52 jyl buryn (1973) Shyǵys Qazaqstan oblysy Ulan aýdanynyń ákimi Arman Іlııasuly BEKBOSYNOV dúnıege keldi.
Shyǵys Qazaqstan oblysy, Zaısan aýdanynyń Zaısan qalasynda dúnıege keldi.1995 jyly Óskemen qalasyndaǵy qurylys-jol ınstıtýtyn (avtomobıl joldary men aerodromdar qurylysy, ınjener-qurylysshy), 2014 jyly D.Serikbaev atyndaǵy Shyǵys Qazaqstan memlekettik tehnıkalyq ýnıversıtetin (ekonomıka, ekonomıka jáne bıznes magıstri) bitirgen.
Eńbek joly: 1996-1997 jyldary Shyǵys Qazaqstan oblysynda , Óskemen qalasynda avtomobıl joldary qazynalyq kásipornynyń I sanatty ınjeneri, 2000 jyly Shyǵys Qazaqstan oblystyq avtomobıl joldary basqarmasynda jol qozǵalysy qaýipsizdigi bóliminiń bas mamany, 2001 jyly QR Kólik jáne kommýnıkatsııa mınıstrligi Avtomobıl joldary komıteti ,Avtomobıl joldary jelisin damytý basqarmasy, avtomobıl joldary jelisin jamytý jáne jol qozǵalysy qaýipsizdigi bóliminiń basshysy, 2002 jyly QR Kólik jáne kommýnıkatsııa Mınıstrligi avtomobıl joldary komıtetiniń paıdalaný jáne damytý basqarma basshysynyń orynbasary qyzmetin atqardy. 2003-2004 jyldary QR Kólik jáne kommýnıkatsııa Mınıstrligi avtomobıl joldary komıtetiniń ǵylym jáne normatıvter basqarmasynyń basshysy, 2005 jyly QR Kólik jáne kommýnıkatsııa mınıstrligi, Kólik ınfraqurylymdyq damytý komıteti normatıvtik quqyqtyq qamtamasyz etý jáne tehnıkalyq saıasat basqarmasynyń basshysy, 2005-2006 jyldary «Kazaqdorstroı» JShS dırektordyń óndiristik máseleler jónindegi orynbasary, 2007-2008 jyldary Kólik ınfraqurylymyn damytý komıtetiniń Atyraý oblystyq basqarma basshysynyń orynbasary, 2008 jyly QR Kólik jáne kommýnıkatsııa mınıstrligi Avtomobıl joldary komıtetiniń Atyraý oblystyq departamenti dırektorynyń orynbasary, 2008-2009 jyldary QR Kólik jáne kommýnıkatsııa mınıstrligi Strategııalyq josparlaý jáne kólik-kommýnıkatsııa keshenin damytý departamenti avtomobıl joldaryn damytý basqarmasynyń basshysy bolyp jumys istedi. 2009-2010 jyldary Shyǵys Qazaqstan oblysynyń jolaýshylar kóligi jáne avtomobıl joldary basqarmasynyń basshysy, 2010-2013 jyldary ShQO Katon-Qaraǵaı aýdanyndaǵy Úlken-Naryn aýylynyń ákimi, 2013-2014 jyldary «Ertis» áleýmettik – kásipkerlik korporatsııasy» Ulttyq kompanııasy» AQ basqarma basshysy, 2014-2016 jyldary ShQO Glýbokoe aýdanyndaǵy Glýbokoe aýylynyń ákimi, 2017-2020 jyldary «Temirjol jóndeý» JShS avtomobıl joldaryn salý dıvızıonynyń dırektory qyzmetinde boldy. 2021-2024 jyldary Pavlodar oblysy memlekettik sáýlet-qurylys baqylaý basqarmasynyń basshysy qyzmetin atqarǵan.
Qazirgi qyzmetin 2024 jyldyń tamyz aıynan bastap atqaryp keledi.
«Qazaqstan Respýblıkasynyń táýelsizdigine 10 jyl» (2001) medalimen marapattalǵan.
48 jyl buryn (1977) «Qazaqstan temir joly» AQ qarjy jónindegi basqarýshy dırektory Daıyr Ádilbekuly KÓShEROV dúnıege keldi.
Mańǵystaý oblysynda dúnıege kelgen. 1998 jyly Indıana ýnıversıteti (Blýmıngton q., AQSh) «Qarjy» mamandyǵy boıynsha bitirgen. 2001 jyly Qazaq memlekettik basqarý akademııasyn «Munaıbıznes» mamandyǵy boıynsha bitirgen.
1998-2000 jyldary «Aq nıet» zeınet aktıvterin basqarý jónindegi kompmanııasy bas býhgalteriniń orynbasary, ishki aýdıt departamentiniń dırektory, 2000-2005 jyldary «ABN AMRO Asset Management» ZABK JAQ portfeldik menedjeri, bas portfeldik menedjeri, brokerlik-dılerlik bóliminiń bastyǵy, táýekel-menedjeri, bas býhgalterdiń orynbasary, 2005-2006 jyldary «Intergaz Ortalyq Azııa» AQ korporatıvtik qarjylandyrý departamenti dırektorynyń orynbasary, dırektory, 2006-2008 jyldary - «QazTransGaz» AQ korporatıvtik qarjylandyrý departamentiniń dırektory, 2008 jyly «QazTransOıl» AQ qarjy dırektory, 2008-2012 jyldary «QazTransGaz» AQ ekonomıka jáne qarjy jónindegi basqarýshy dırektory, 2012-2018 jyldary – «QazTransGaz» AQ Bas dırektorynyń ekonomıka jáne qarjy jónindegi orynbasary.
Qazirgi qyzmetin 2022 jyldan bastap atqaryp keledi.
«Qurmet» ordenimen (2017), «Qazaqstan Respýblıkasynyń táýelsizdigine 25 jyl» medalimen (2016) marapattalǵan.
45 jyl buryn (1980) Astana qalasy Ádilet departamenti basshysynyń orynbasary Bekbolat Jumataıuly QOLYMBAEV dúnıege keldi.
Aqtaý qalasynda týǵan. Qazaq akademııalyq ýnıversıtetin «Quqyqtaný-zańger» mamandyǵy boıynsha bitirgen.
Eńbek joly: 2003-2004 jyldary Mańǵystaý oblysy Ádilet departamenti zańdy tulǵalardy tirkeý bóliminiń bas mamany, 2004 jyly Mańǵystaý oblysy Ádilet departamentiniń zııatkerlik menshik quqyǵy bóliminiń bas mamany, 2004-2009 jyldary Mańǵystaý oblysy Ádilet departamentiniń zańdy tulǵalardy tirkeý bóliminiń bastyǵy, 2009-2017 jylldary Mańǵystaý oblysy Ádilet departamenti basshysynyń orynbasary, 2017-2018 jyldary QR Ádilet mınıstrligi Quqyqtyq túsindirý, zań qyzmetteri jáne lıtsenzııalaý basqarmasynyń basshysy, Tirkeý qyzmeti jáne zań qyzmeti departamenti dırektorynyń orynbasary, 2018-2024 jyldary Aqtóbe oblysy Ádilet departamentiniń basshysy qyzmetinde boldy.
Qazirgi qyzmetin 2024 jyldyń qarashasynan beri atqaryp keledi.
43 jyl buryn (1982) «Qazaq qurylys jáne sáýlet ǵylymı-zertteý jáne jobalaý ınstıtýty» AQ (QQSǴZJI) bas dırektory Begman Baqytuly KÓLBAEV dúnıege keldi.
«Bolashaq» ýnıversıtetin «qurylysshy» mamandyǵymen, Astanadaǵy Qazaq gýmanıtarlyq zań ýnıversıtetin «zańger» mamandyǵymen, «Bolashaq» ýnıversıtetin «esep jáne aýdıt» mamandyǵymen támamdaǵan.
2003-2004 jyldary Qyzylorda oblystyq memlekettik sanıtarlyq-epıdemıologııalyq baqylaý basqarmasynyń bas mamany, 2004-2009 jyldary Qyzylorda oblystyq ákimi apparatynyń jetekshi mamany, bólim basshysy, 2009-2011 jyldary Qyzylorda qalasy ákiminiń orynbasary, 2011-2012 jyldary Qyzylorda oblystyq ákimi apparat basshysynyń orynbasary, 2012-2013 jyldary Qyzylorda oblystyq jolaýshylar kóligi jáne avtomobıl joldary basqarmasynyń basshysy bolǵan. 2013- 2015 jyldary QR Óńirlik damý mınıstrliginde, QR Ulttyq ekonomıka mınıstrliginde eńbek etken. 2015-2017 jyldary «QQSǴZJI» AQ bas ınjeneri bolǵan.
Qazirgi qyzmetinde – 2017 jyldyń qyrkúıeginen.
43 jyl buryn (1982) Qazaqstan Respýblıkasy Prezıdenti Ákimshiliginiń Quqyq qorǵaý júıesi bólimi meńgerýshisiniń orynbasary Dáýren Tilekuly ERǴARIN dúnıege keldi.
Batys Qazaqstan oblysy, Syrym aýdanynda týǵan. 2002 jyly A.S.Pýshkın atyndaǵy Batys Qazaqstan memlekettik ýnıversıtetin 2006 jyly M.Ótemisov atyndaǵy Batys Qazaqstan memlekettik ýnıversıtetin bitirgen.
Eńbek joly: 2004-2012 jyldary Batys Qazaqstan oblysy jáne Almaty oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasy) ártúrli jedel jáne basshylyq laýazymdarynda qyzmet etken, 2015-2018 jyldary Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) Astana qalasy boıynsha departamentiniń erekshe mańyzdy ister jónindegi ofıtseri, basqarma basshysynyń orynbasary, jedel basqarma basshysy, 2018-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) Basshysynyń orynbasary, Jedel departamenttiń basshysy, 2019-2020 jyldary QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) 3-shi departamentiniń basshysy, 2020-2021 jyldary QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty qalasy jáne Qyzylorda oblysy boıynsha departamenti basshysynyń orynbasary, 2021-2022 jyldary QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) anyqtaý jáne jolyn kesý qyzmetiniń basshysy, 2022 jyly QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Aqtóbe oblysy boıynsha departamentiniń basshysy qyzmetinde bolǵan. 2022-2024 jyldary QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Shymkent qalasy boıynsha departamentiniń basshysy laýazymyn atqardy.
Qazirgi ıyzmetinde 2024 jyldyń shildesinen beri.
II dárejeli «Aıbyn» ordenimen marapattalǵan (2018).
110 jyl buryn (1915-1983) qazaqtyń talantty jazýshysy, qazaq ádebıetinde ónimdi eńbek etken asa kórnekti jazýshylardyń biri, áıgili «Kóshpendiler», «Altyn orda» trılogııasynyń jáne birqatar romandardyń avtory Іlııas ESENBERLIN dúnıege kelgen.
Aqmola oblysynda týǵan. Qazaq taý-ken ınstıtýtyn bitirgen, ınjener. Eńbek joly: Jezqazǵan rýdnıkterinde ınjener, Ekinshi dúnıejúzilik soǵys qatysýshysy; 1942-1947 jyldar aralyǵynda Qazaqstan KP OK-niń nusqaýshysy; 1951 jyldary Qazaq memlekettik fılarmonııasynyń dırektory; 1953-1954 jyldary QR Geologııa mınıstrliginde aǵa ınspektor; 1954-1955 jyldary Bersúgir shahta basqarmasynyń (Aqtóbe oblysy) bastyǵy; 1955-1957 jyldary Qazaq memlekettik kórkem ádebıet baspasynyń aǵa redaktory; 1958-1967 jyldary «Qazaqfılm» kınostýdııasynyń aǵa redaktory, stsenarıı redkollegııasynyń múshesi; 1967-1971 jyldary «Jazýshy» baspasynyń dırektory; 1971-1975 jyldary Qazaqstan Jazýshylar odaǵy basqarmasynyń 2-hatshysy bolyp qyzmet atqarady.
Alǵashynda aqyn retinde tanylǵan onyń shyǵarmalary 1940 jyldan bastap jaryq kóre bastaıdy. 1945 jyly «Sultan», «Aısha» dastandary, «Adamgershilik týraly jyr» óleńder jınaǵy (1949), «Birjan sal tragedııasy» (1959) dastandary jarııalandy. 1960 jyldary proza janryna qalam tarta bastady. «Ózen jaǵasynda» (1960), «Tolqıdy Esil» (1965), orys tilinde jazylǵan «Adam týraly án» (1957) atty povesteri jaryq kórdi. «Aıqas» (1966), «Qaterli ótkel» (1967), «Ǵashyqtar» (1968), «Qahar» (1969), «Almas qylysh» (1971), «Altyn qus» (1972), «Jantalas» (1973), tyń týraly «Kóleńkeńmen qorǵaı júr» (1974) romandary, «Kóshpendiler» trılogııasy (1976), Altyn Orda trılogııasy (1982-1983), «Mahabbat meıramy», «Alystaǵy araldar» (1983), «Aqqý qustyń qýanyshy» (1984) romandary, shyǵarmalarynyń on tomdyq jınaǵy (1984-1990) jarııalandy.
Atbasar qalasyndaǵy mektepke, Almatydaǵy bir kóshege І. Esenberlın esimi berilgen.
97 jyl buryn (1928-2010) dırıjer, Qazaqstannyń, Reseıdiń jáne Tatarstannyń halyq ártisi, Tatarstan Memlekettik syılyǵynyń laýreaty Fýat Shákiruly MANSUROV dúnıege keldi.
Almaty qalasynda týǵan. Almaty, Máskeý konservatorııalaryn bitirgen.
Qazaq akademııalyq opera jáne balet teatrynyń, Qazaq radıosy sımfonııalyq orkestriniń dırıjeri bolǵan. 1958 jyldan Qazaq sımfonııalyq orkestriniń, Qazaq akademııalyq opera jáne balet teatrynyń bas dırıjeri bolyp, P.Chaıkovskııdiń «Evgenıı Onegın», M.Tólebaevtyń «Birjan - Sara», A.Jubanov pen S.Muhamedjanovtyń «Aısulý», t.b. operalyq spektaklderge jetekshilik etken. 1968 jyldan Tatardyń opera jáne balet teatrynda, Máskeýdegi Úlken teatrda, Qazan fılarmonııasy memlekettik sımfonııalyq orkestrinde bas dırıjer ári kórkemdik jetekshi qyzmetin atqarǵan.
«Dostyq», «Qurmet belgisi» ordenderimen marapattalǵan.