10 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

10 qańtar, JUMA BUU Bas Assambleıasynyń birinshi sessııasy ashylǵan kún. 1946 jyly 10 qańtarda Londonda ashyldy. Oǵan 51 memlekettiń ókilderi qatysty. Qazirgi kezde onyń quramyna 193 memleket kiredi. ESTE QALAR OQIǴALAR

2 2 jyl buryn (1992) Qazaqstan Respýblıkasy Prezıdenti N.Á.Nazarbaevtyń «Qazaqstan Respýblıkasynyń Іshki áskerleri týraly» Jarlyǵy shyqty.

2 2 jyl buryn (1992) Elbasynyń qatysýymen ótken Qaýipsizdik Keńesiniń májilisinde Respýblıkalyq gvardııany qurý týraly sheshim qabyldandy.

1 7 jyl buryn (1997) Bishkek qalasynda N.Nazarbaev, A.Aqaev jáne I.Karımov Qazaqstan, Qyrǵyzstan jáne Ózbekstan memleketteri arasyndaǵy Máńgilik dostyq týraly shartqa qol qoıdy.

15 jyl buryn (1999) Qazaqstanda alǵash ret Qazaqstan Respýblıkasynyń Prezıdenttigine balama saılaý ótip, onda saılaýshylardyń 79,78 % daýysyn jınaǵan Nursultan Ábishuly Nazarbaev qaıta saılandy.

1 1 jyl buryn (2003) Óskemen qalasynda «AVTOVAZ» ashyq aktsıonerlik qoǵamynyń tehnıkalyq kómegimen «Azııa Avto» zaýyty ashyldy. Jańa qurastyrý kásiporny «Nıva» avtomobılin shyǵarady.

10 jyl buryn (2004) «Qazaqtelekom» aktsıonerlik qoǵamy halyqqa táýlik boıy qyzmet kórsetetin aqyly «169» anyqtamalyq-aqparattyq qyzmetin ashty.

90 jyl buryn (1924) «Tilshi» gazetinde І.Jansúgirovtiń «Keńsede jergilikti tildi júrgizý kerek» degen maqalasy jaryq kórdi. Onda kúni búginge deıin ózekti másele bolyp otyrǵan qazaq tiliniń taǵdyry sóz boldy.

80 jyl buryn (1934) qazaq ádebıeti men ónerine arnalǵan «Qazaq ádebıeti» aptalyq gazeti shyǵa bastady. Alǵashqy redaktory - B.Maılın. Gazet 1940-1954 jyldary toqtap, 1955 jyldyń qańtarynan qaıta shyǵa bastady. «Qazaq ádebıeti» ultymyzdyń rýhanı aınasy, elimizdiń ádebı hám mádenı ómirin jan-jaqty qamtıtyn basylym.

19 jyl buryn (1995) Polshanyń Qazaqstandaǵy Tótenshe jáne ókiletti elshisi Marek Gaventskıı Elbasy N.Á.Nazarbaevqa Senim gramotasyn tapsyrdy.

17 jyl buryn (1997) Qazaqstan Respýblıkasy Úkimeti Qaýlysyna sáıkes 1997 jylǵy qańtardyń 10-da Almaty energetıkalyq ınstıtýttynyń (AEI) negizinde Almaty energetıka jáne baılanys ınstıtýty (AEBI) quryldy. Bul ınstıtýt - Ortalyq Azııadaǵy energetıka jáne telekommýnıkatsııalar salasyndaǵy mamandandar daıyndaý boıynsha jalǵyz oqý orny.

11 jyl buryn (2003) Óskemende «AVTOVAZ» AQ-nyń tehnıkalyq kómegimen qurylǵan «Azııa Avto» zaýytynyń ashylý saltanaty ótti. Jańa qurastyrýshy kásiporyn «Nıva» avtokólikterin óndirip shyǵarady.

8 jyl buryn (2006) Jazýshy-dramatýrg, synshy-jýrnalıst Qoshke Kemeńgerulynyń týǵanyna 110 jyldyǵy qarsańynda Almatydaǵy «Alash» baspasynan qalamgerdiń shyǵarmalar jınaǵynyń alǵashqy tomy jaryq kórdi.

Bul kitapqa jazýshynyń «Qazaq tarıhynan», «Burynǵy ezilgen ulttar» tarıhı zertteýleri, «Atylyp ólgen qazaq jigiti», «Qazaq jerine qolqa salýshylar», «El gazeti qandaı bolý kerek?» degen maqalalary jáne t.b. tanymdyq eńbekteri enip otyr. Jınaq Qazaqstan Respýblıkasynyń Ulttyq qaýipsizdik komıteti, Reseı federaldyq qaýipsizdik qyzmeti men Ózbekstan Memlekettik Ortalyq muraǵattarynan, sondaı-aq Qazaqstannyń Ulttyq, Máskeýdiń memlekettik jáne Omby oblystyq kitaphanalarynan alynǵan qoljazbalardyń negizinde daıarlandy.

6 jyl buryn (2008) Premer-Mınıstr Kárim Másimov Qaraǵandydaǵy «Santehónerkásip» JShS-da quryshty jylý radıatorlar óndiretin jelini iske qosty.

«Santehónerkásip» jaýapkershiligi shekteýli seriktestigi TMD aýmaǵynda sanıtarlyq-tehnıkalyq mańyzdaǵy ónimderdi óndiretin iri zaýyttardyń biri. Zaýyttyń barlyq ónimderi Germanııanyń Mıýller jáne Lapple joǵary tehnologııalyq jabdyqtarymen daıyndalady. Al ónimder Qazaqstannyń óńirlerine, sondaı-aq TMD elderine jetkiziledi. Emal ónimderiniń assortımentinde vannalar, as úıdegi ydys jýǵyshtar bar.

1 jyl buryn (2013) "Astana" telearnasy otandyq "Taǵdyr" teleserıalyn kórsetýdi bastady. ESІMDER

96 jyl buryn (1918-1979) pıanıst, kontsertmeıster, Qazaqstannyń halyq ártisi KOGAN Sımha Bentsıonovıch dúnıege keldi.

Moldova Respýblıkasynyń Kıshınev qalasynda týǵan. Kıshınev konservatorııasyn bitirgen. 1942 jyly Almatyǵa kelip, Qazaq fılarmonııasynyń solıst-kontsertmeısteri qyzmetin atqarǵan. Ol kásibı pıanıst retinde Qazaqstannyń mýzyka mádenıetiniń damýyna at salysqan.

«Qurmet belgisi» ordenimen marapattalǵan.

86 jyl buryn (1928-2010) dırıjer, Qazaqstannyń, Reseıdiń jáne Tatarstannyń halyq ártisi, Tatarstan Memlekettik syılyǵynyń laýreaty MANSUROV Fýat Shákiruly dúnıege keldi.

Almaty qalasynda týǵan. Almaty, Máskeý konservatorııalaryn bitirgen. Qazaq akademııalyq opera jáne balet teatrynyń, Qazaq radıosy sımfonııalyq orkestriniń dırıjeri bolǵan. 1958 jyldan Qazaq sımfonııalyq orkestriniń, Qazaq akademııalyq opera jáne balet teatrynyń bas dırıjeri bolyp, P.Chaıkovskııdiń «Evgenıı Onegın», M.Tólebaevtyń «Birjan - Sara», A.Jubanov pen S.Muhamedjanovtyń «Aısulý», t.b. operalyq spektaklderge jetekshilik etken. 1968 jyldan Tatardyń opera jáne balet teatrynda, Máskeýdegi Úlken teatrda, Qazan fılarmonııasy memlekettik sımfonııalyq orkestrinde bas dırıjer ári kórkemdik jetekshi qyzmetin atqarǵan.

«Dostyq», «Qurmet belgisi» ordenderimen marapattalǵan.

66 jyl buryn (1948-2002) sýretshi, músinshi, Qazaqstan Respýblıkasynyń eńbek sińirgen óner qaıratkeri, 2001 jyldyń úzdik sýretshisi TURSYNOV Amangeldi dúnıege keldi.

Ońtústik Qazaqstan oblysynda týǵan. Tashkent teatr-kórkemsýret ınstıtýtyn bitirgen. Á.Qasteev atyndaǵy Shymkent kórkemsýret kolledjinde dáris oqyp, Halyqaralyq qazaq-túrik ýnıversıtetinde eńbek etken. Onyń «Sýshy», «Dala toıy», «Toı», «Maqtashy», «Qyzdar», «Kókpar», «Aýdaryspaq», t.b. keskindeme salasyndaǵy shyǵarmalary bar. Músindeme salasynda «Aqpan batyr», «Qajymuqan», «Qapal batyr», «Tóle bı» atty monýmentti eskertkishterdi turǵyzǵan. Medaldarmen marapattalǵan.

85 jyl buryn (1929-1999) aqyn BAıAZITOV Baıǵoja dúnıege keldi.

Ońtústik Qazaqstan oblysynda týǵan. Abaı atyndaǵy Qazaq ulttyq pedagogıkalyq ýnıversıtetin bitirgen. Aqynnyń «Maqta dalam», «Dostar qalasy», «Ómir nury» jınaqtary jaryq kórgen. Qalamger ómiriniń sońyna deıin Myrzashól óńiriniń gúldenýine óziniń jyrlarymen laıyqty úles qosty. Kazir Myrzashól óńirinde Baıǵoja Baıazıtov atyndaǵy túrli óner baıqaýlary turaqty ótip keledi.

75 jyl buryn (1939) jazýshy, Qazaqstan Jazýshylar odaǵynyń múshesi QUMARBEKOV Músilim dúnıege keldi.

Shyǵys Qazaqstan oblysynyń Ulan aýdanynda týǵan. Qazaq memlekettik ýnıversıtetin bitirgen. Shyǵys Qazaqstan oblystyq «Kommýnızm týy» (qazirgi «Dıdar») gazetinde uzaq jyldar boıy qyzmet istegen. «Aq Ertis» - «Irtysh» atty qazaqsha-oryssha shyǵatyn ádebı, mádenı jýrnalda redaktordyń orynbasary qyzmetin atqarǵan. Qazir «Dıdar» oblystyq gazeti redaktorynyń orynbasary qyzmetin atqarady. Jazýshynyń «Altaıdyń ardageri», «Qyz kúlkisi», «Asaý Ertis», «Shynar», «Altaıym - altyn besigim», «Jastyq jaǵalaýy» atty kitaptary bar. 2003 jyl «Folıant» baspasynan «Jar jaǵasyndaǵy úı» povester jınaǵy, «Bazalt» baspahanasynan «Taýqymet» atty romany jaryq kórdi.

7 5 jyl buryn (1939) tehnıka ǵylymynyń doktory, professor, Qazaqstan Respýblıkasy Injenerlik akademııasynyń akademıgi, Halyqaralyq ınjenerlik akademııanyń korrespondent múshesi, Qazaqstan Respýblıkasy ǵylym men tehnıka salasyndaǵy memlekettik syılyǵynyń laýreaty MOLDABEKOV Shaıahmet dúnıege keldi.

Ońtústik Qazaqstan oblysynda týǵan. Máskeý hımııa-mashına jasaý ınstıtýtyn bitirgen. 1968-2005 jyldary Qazaq hımııa-tehnologııa ınstıtýtynda (M.Áýezov atyndaǵy Ońtústik Qazaqstan memlekettik ýnıversıteti) ǵylymı-pedagogıkalyq qyzmetpen aınalysqan. 2005 jyldan Q.ıAssaýı atyndaǵy Halyqaralyq qazaq-túrik ýnıversıteti janyndaǵy Shymkent ınstıtýtynyń professory qyzmetin atqarǵan. Negizgi ǵylymı-zertteý eńbekteri ıntensıvti massa almastyrý apparatýrasyn qurýǵa arnalǵan. Ǵalymnyń 300-den astam ǵylymı eńbegi jáne 80-ge jýyq avtorlyq kýáligi men patenti bar.

55 jyl buryn (1959) jattyqtyrýshy, bokstan sport sheberi, respýblıkanyń úsh dúrkin chempıony, Qazaqstannyń eńbek sińirgen jattyqtyrýshysy, Qazaqstannyń eńbek sińirgen qaıratkeri EDІLOV Tursynǵalı Nurjaqypuly dúnıege keldi.

Almaty oblysynyń Uıǵyr aýdanynda týǵan. Edilovtiń jetekshiligimen qazaqstandyqtar kóptegen halyqaralyq jarystardyń chempıony atandy, júldeli oryndar aldy. Mysaly, Qazaqstan boksshylary Hıýstonda (AQSh) 1999 jyly ótken Álem chempıonatynda 1 altyn, 1 kúmis, 1 qola medal alsa, Sıdneıde (Avstralııa) 2000 jyly ótken 27-shi Olımpııalyq oıyndarda 2 altyn, 2 kúmis medal ıelendi. Edilov olımpıadalyq oıyndardyń chempıony E.Ibraıymovty 1990 jyldan jattyqtyrdy.

«Qurmet» ordenimen marapattalǵan.

55 jyl buryn (1959-2002) aqyn ASQAROV Erik dúnıege keldi. Soltústik Qazaqstan oblysynyń Býlaev aýdanynda týǵan. Almaty teatr ınstıtýtyn bitirip, rejısser mamandyǵyn alǵan. Respýblıkalyq Qazaq televızııasynyń rejısseri, bas redaktory, «Jazýshy» baspasynyń redaktory, Qazaqstan Jazýshylar odaǵy ádebı qorynyń dırektory qyzmetterin atqarǵan. Onyń «Qarlyǵash», «Jetigen», «Aqqýdyń kógildiri» atty jyr jınaqtary, «Birjan sal», «Petropavlovsk - qyzyldardyń qalasy» atty pesalary bar. Sondaı-aq ol aıtysker aqyn retinde kóptegen aıtystarǵa qatysyp, júldeger atanǵan.

55 jyl buryn (1959) QR ІІM Qylmystyq-atqarý júıesi komıtetiniń tóraǵasy BERDALIN Baýyrjan Maratuly dúnıege keldi.

Shyǵys Qazaqstan oblysynda dúnıege kelgen KSRO ІІM Rıazan Áskerı mektebin támámdaǵan. Qyzmettik jolyn 1982 jyly Qazaq KSR ІІM Eńbekpen túzetý mekemeleriniń Bas basqarmasyna qarasty № 15 mekemesi jedel-rejım bóliminiń jedel ýákili laýazymynan bastaǵan. KSRO ІІM-niń Qazaq KSR jáne Qyrǵyz KSR ishki áskerleri boıynsha erekshe bóliminde qyzmet atqarǵan. Sondaı-aq, Qazaq KSR ІІM-niń kadrlar basqarmasynyń1-shibóliminde qyzmet atqarǵan. 1985 pen 1989 jyldar aralyǵynda Qazaq KSR ІІM ETMMB jedel bólimniń aǵa mamany, keıinirek osy bólim bastyǵynyń orynbasary, bastyǵy laýazymyna taǵaıyndaldy. 1989 ben 1994 jyldar aralyǵynda Qazaq KSR ІІM EІMB -nyń jedel, rejım jumystary jáne qylmystyq jazalardy atqarý basqarmasy bastyǵy boldy. 1994 pen 1996 jyldar aralyǵynda Qarjy mınıstrligine qarasty QR Keden qyzmeti bastyǵynyń orynbasary jáne Almaty oblysy Almaty qalasy boıynsha Keden basqarmasy bastyǵynyń birinshi orynbasary laýazymynda qyzmet atqarǵan. 1996 men 1998 jyldar aralyǵynda QR MІK Bas ekonomıkalyq qylmystarǵa qarsy kúres basqarmasynyń bólim bastyǵy laýazymynda jáne QR Úkimet Ákimshiliginiń quqyqtyq tártip, qorǵanys bóliminde keńesshi bolyp taǵaıyndaldy. 1999 ben 2004 jyldar aralyǵynda QR Prezıdentiniń kúzet qyzmetinde aldymen bólim bastyǵy, keıin basqarma bastyǵy laýazymdarynda qyzmet atqardy. 2004 pen 2006 jyldar aralyǵynda Qazaqstan Respýblıkasy Ádilet mınıstrligi Qylmystyq-atqarý júıesi komıteti tóraǵasynyń birinshi orynbasary qyzmetine taǵaıyndaldy. 2011 jyldyń qyrkúıek aıynan qazirgi ýaqytta Qazaqstan Respýblıkasy ІІM Qylmystyq-atqarý júıesi komıtetiniń tóraǵasy laýazymynda qyzmet atqarýda.

44 jyl buryn (1970) «Forbes Kazakhstan» jýrnalynyń baspageri, bas redaktory BAITASOV Armanjan Merekeuly dúnıege keldi.

Almaty qalasynda týǵan. 1987 jyly Qazaq memlekettik ýnıversıtetiniń jýrnalıstıka fakýltetin qyzyl dıplommen bitirgen. Fılosofııa ǵylymdarynyń kandıdaty. 1989 jyldan bastap «Azııa daýysy» festıvaldar men baıqaýlar bóliminiń bas redaktory, 1991-1992 jj. - «Murager» shyǵarmashylyq birlestigi bas redaktorynyń orynbasary. 1990-1991 jj. - Qazaq teledıdary jastar redaktsııasynyń redaktory. 1992 jyldan bastap - «31 arna» Medıaholdınginiń Prezıdenti. 2000-2003 jj. - Qazaqstan Respýblıkasy Ulttyq teleradıohabarlar assotsıatsııasynyń prezıdenti. 2001 jyldan bastap Qazaqstannyń Jýrnalıstıka Akademııasynyń múshesi. 2007-2008 jj. - «Tań Medıa» dırektorlar keńesiniń tóraǵasy. 2008-2009 jj. - «Nur-Medıa» holdıngisiniń bas dırektory. 2009 jylǵy naýryzdan - "Raýan Medıa Grýpp" dırektorlar keńesiniń tóraǵasy. 2010 jyldan - "TAŃ" TRK dırektorlar keńesiniń tóraǵasy, «Icon» JShS prezıdenti. 2011 jylǵy qyrkúıekten - «UMG», kompanııasynyń basshysy, «Forbes Kazakhstan» basylymynap lıtsenzııa aldy. Qazirgi qyzmetinde - 2011 jyldan beri. 59 jyl buryn (1955) ǵalym, aýyl sharýashylyǵy ǵylymdarynyń doktory, professor ÁLІBAEV Nuradın Nájimedınuly dúnıege keldi.

Túrikmenstanda týǵan. Máskeýdegi K.Skrıabın atyndaǵy maldárigerlik akademııasyn bitirgen.

1977-2003 jyldary kazirgi Ońtústik-Batys aýyl sharýashylyǵy ǵylymı-óndiris ortalyǵynyń kishi, jetekshi ǵylymı qyzmetkeri, zerthana meńgerýshisi qyzmetterin atqarǵan. 2003 jyldan osy mekeme dırektorynyń ǵylym jónindegi orynbasary. Qarakól qoıyn selektsııalaýdyń jańa ádisterin taýyp óndiriske engizgen jáne qarakól qoılary embrıondaryn transplantatsııalaýdyń ǵylymı negizin salyp, praktıkalyq ádistemesin oılap tapty.

35-ten asa ǵylymı eńbekterdiń avtory, onyń ishinde 11 avtorlyq kýálik pen 5 usynys bar. Qazaqstan komsomoly syılyǵynyń jáne Qazaqstan Memlekettik syılyǵynyń ıegeri.

9 8 jyl buryn (1916-1994) aqyn ShALABAEVA Ámına dúnıege keldi.

Soltústik Qazaqstan oblysynyń Býlaev aýdanynda týǵan. Almaty pedagogıka ýchılışesin, Almaty memlekettik qyzdar pedagogıkalyq ınstıtýtyn bitirgen. 1949-1956 jyldary «Qazaq eli» (Jańa ómir) jýrnalynda, 1956-1973 jyldary «Jazýshy» baspasynda qyzmet istegen. Alǵashqy bir top óleńi jas aqyndardyń «Jas qanat» jınaǵynda jarııalanǵan. Tuńǵysh jınaǵy 1962 jyly «Meniń qarlyǵashym» degen atpen shyqqan.

9 3 jyl buryn (1921-1944) Keńes Odaǵynyń Batyry BERESTOV Fedor Sergeevıch dúnıege keldi.

Shyǵys Qazaqstan oblysy Glýbokoe aýdanynda týǵan. Uly Otan soǵysynda 1944 jyly maýsymnyń 23-inde jaý qorǵanysyna endeı kirip, granatamen pýlemet dzotynyń kózin joıǵan. 1944 jyly qazannyń 27-i kúni Latvııanyń Perekýl qalasyn azat etý barysynda erlikpen qaza tapty.

Lenın, Qyzyl Juldyz, 2-shi dárejeli Otan soǵysy ordenderimen marapattalǵan. Glýbokoe aýdanynyń bir kóshesine Batyr aty berilgen jáne eskertkish taqta ornatylǵan.

78 jyl buryn (1936) aqyn, Qazaqstan Jazýshylar odaǵynyń múshesi, Qazaqstan Respýblıkasynyń Mádenıet qaıratkeri BALABIEV Raqym Bazargeldiuly dúnıege keldi.

Ońtústik Qazaqstan oblysy Sozaq aýdanynda týǵan. Kentaý taý-qurylys tehnıkýmyn, Máskeý polıtehnıkalyq ınstıtýtyn bitirgen. 1961-1978 jyldary - Kentaý qalalyq júk tasymaldaý mekemesiniń júrgizýshisi, avtokolonna bastyǵy, bas ınjeneri. 1978-1984 jyldary - Túlkibas júk tasymaldaý mekemesiniń dırektory. 1984-1988 jyldary - Kentaý qalalyq júk tasymaldaý mekemesiniń bas ınjeneri. 1988-2001 jyldary - Kentaý qalalyq júk tasymaldaý mekemesiniń dırektory qyzmetterin atqarǵan. Qazir shyǵarmashylyq qyzmette. Respýblıkalyq, oblystyq, aýdandyq jyr músháıralarynyń júldegeri, Onyń óleńderi tórt ujymdyq jınaqqa engen. «Jan syry», «Tóskeısaz», «Júrekterge jol izdeý», «Jel qaıyq», «Sańǵyldar», «Aspandaǵy juldyzdar», «Jyrymdy saǵan arnadym», Eki dúnıe nury» atty kitaptary jaryq kórgen. Kentaý qalasynyń Qurmetti azamaty, Qazaqstan Respýblıkasy qajylar assotsıatsııasynyń múshesi, Kentaý fılıalynyń tóraǵasy, Kentaýdaǵy «Qarataý Táji» shyǵarmashylyq birlestiginiń tóraǵasy.

Kóptegen medaldarmen marapattalǵan.

66 jyl buryn (1948) QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi MEDEÝOV Úsengeldi Ómirjanuly dúnıege keldi.

Almaty oblysy Qaskeleń aýdanynyń Shamalǵan aýylynda týǵan. Qazaq polıtehnıkalyq ınstıtýtyn bitirgen (1971 j.). 1971-1974 jj. - Qazaq KSR Memlekettik josparlaý komıteti janyndaǵy Ekonomıkalyq ǵylymı-zertteý ınstıtýty Energetıka jáne otyn ónerkásibin damytý bóliminiń ekonomısi. 1974-1981 jj. - Qazaq KSR Memlekettik josparlaý komıteti janyndaǵy Ekonomıkalyq ǵylymı-zertteý ınstıtýtynyń Energetıka jáne otyn ónerkásibin damytý bóliminiń kishi ǵylymı qyzmetkeri. 1981-1982 jj. - Qazaq KSR Semeı oblysy Taskesken aýdandyq daıyndaý keńsesiniń taýartanýshy-uıymdastyrýshysy. 1982-1984 jj. - Qazaq KSR Semeı oblysy Taskesken jumysshylar kooperatıvi tóraǵasynyń orynbasary. 1984-1986 jj. - Qazaq KSR Semeı oblysy Taskesken aýdandyq turmystyq kombınatynyń dırektory. 1986 jyldyń naýryzy-tamyzy aralyǵynda - Qazaq KSR Halyqqa turmystyq qyzmet kórsetý mınıstrliginiń eńbek jónindegi normatıvtik-zertteý sektory bastyǵynyń orynbasary. 1986-1988 jj. - Qazaq KSR Halyqqa turmystyq qyzmet kórsetý mınıstriniń kómekshisi. 1988-1989 jj. - Qazaq KSR Halyqqa turmystyq qyzmet kórsetý mınıstrligi Іs basqarmasynyń bastyǵy. 1989-1991 jj. - Qazaq KSR Halyqqa turmystyq qyzmet kórsetý mınıstriniń kómekshisi. 1991 jyldyń sáýiri-maýsymy aralyǵynda - Qazaqstan Respýblıkasy Eńbek mınıstrligi Sharýashylyq qyzmet kórsetý basqarmasynyń jalpy bólimi bastyǵynyń mindetin atqarýshy, bastyǵy, Іs basqarmasynyń bastyǵy. 1992-1993 jj. - «Bóbek» balalar qaıyrymdylyq qorynyń atqarýshy dırektory. 1993-1994 jj. - «Bizdiń is» shaǵyn aktsıonerlik kásiporny tóraǵasynyń orynbasary. 1994-1995 jj. - Qazaqstan Respýblıkasy Prezıdentiniń janyndaǵy Bas baqylaý ınspektsııasynyń memlekettik ınspektory. 1995 jyldyń sáýiri-jeltoqsany aralyǵynda - Qazaqstan Respýblıkasy Prezıdentiniń Apparaty Uıymdastyrý-baqylaý basqarmasynyń memlekettik ınspektory. 1995-2004 jj. - Qazaqstan Respýblıkasy Prezıdenti Ákimshiligi Uıymdastyrý-baqylaý bóliminiń memlekettik ınspektory. 2004-2005 jj. - Qazaqstan Respýblıkasy Prezıdenti Ákimshiliginiń Uıymdastyrý-baqylaý jumysy men kadr saıasaty basqarmasy Memlekettik ınspektsııasynyń memlekettik ınspektory. 2005-2007 jj. - Qazaqstan Respýblıkasy Prezıdenti Ákimshiligi Memlekettik baqylaý jáne uıymdastyrý jumysy bóliminiń memlekettik ınspektory. 2007-2011 jj. - tórtinshi saılanǵan Qazaqstan Respýblıkasy Parlamenti Májilisiniń depýtaty.

2012 jylǵy qantardan bastap - besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan.

«Qurmet» ordenimen, «Eren eńbegi úshin» jáne basqa alty medalmen nagradtalǵan.

41 jyl buryn (1973) «Ertis» ÁKK» Ulttyq kompanııasy» AQ basqarma tóraǵasy BEKBOSYNOV Arman Іlııasuly dúnıege keldi.

Shyǵys Qazaqstan oblysynyń Zaısan qalasynda dúnıege kelgen. 1995 jyly Óskemendegi avtomobıl joldary jáne aerodromdar mamandyǵy, avtomobıl joldarynyń ınjener - qurylysshy biliktiligi boıynsha qurylys - jol ınstıtýtyn bitirdi.

Óziniń eńbek jolyn 1996 jyly avtomobıl joldary Qazynalyq kásipornynyń paıdalaný bóliminde birinshi dárejeli ınjener bolyp bastady. 01997-1999 jyldary- Shyǵys Qazaqstan avtomobıl joldary Qazynalyq kásipornynda paıdalaný bóliminiń jetekshi mamany, 1999 jyly qaıta qurylýǵa baılanysty Shyǵys Qazaqstan «Qazaqavtojol» RMQK fılıalynyń bas mamany bolyp taǵaıyndaldy. 2000 jyly qaıtara qurylǵan «Shyǵys Qazaqstan avtomobıl joldary» MM-niń jol qozǵalysy qaýipsizdigi bólimine bas maman qyzmetine qabyldandy. 2000-2001 jyldary Astana qalasynda Qazaqstan Respýblıkasynyń kólik jáne kommýnıkatsııa Mınıstrliginiń avtomobıl joldary Komıtetiniń joldardy damytý jáne jol qozǵalysy qaýipsizdigi bólimi bas mamanynyń mindetin atqarýshy. 2001 jyly Kólik jáne kommýnıkatsııa Mınıstrligi avtomobıl joldary Komıtetiniń avtomobıl joldary júıesin damytý basqaramasy avtomobıl joldary júıesin damytý jáne jol qozǵalysy qaýipsizdgi bólimi bastyǵynyń mindetin atqarýshysy bolyp aýystyryldy. 2001jyly Qazaqstan Respýblıkasynyń kólik jáne kommýnıkatsııa Mınıstrligi avtomobıl joldary Komıteti avtomobıl joldary júıesin damytý jáne jol qozǵalysy qaýipsizdigi bóliminiń bastyǵy, 2001-2002 jyldary Qazaqstan Respýblıkasynyń kólik jáne kommýnıkatsııa Mınıstrligi avtomobıl joldary Komıteti paıdalaný jáne jol qozǵalysy qaýipsizidig bólimi bastyǵy. 2002 jyly Qazaqstan Respýblıkasynyń kólik jáne kommýnıkatsııa Mınıstrligi avtomobıl joldary Komıtetiniń paıdalaný jáne avtomobıl joldaryn damytý basqaramasy bastyǵynyń orynbasary, 2002 - 2003 jyldary Qazaqstan Respýblıkasynyń kólik jáne kommýnıkatsııa Mınıstrligi avtomobıl joldary Komıtetniń ǵylym jáne normatıvter basqarmasy bastyǵynyń orynbasary. 2003 jyly QR kólik jáne kommýnıkatsııa mınıstrliginiń avtomobıl joldary ǵylym jáne quqyq Komıteti basqarmasynyń bastyǵy. 2005 jyly qurylymynyń ózgerýine baılanysty kóliktik ınfraqurylymdy damytý Komıtetiniń normatıvtik-quqyqtyq qamtamasyz etý jáne tehnıkalyq saıasat basqaramasynyń bastyǵy. 2005 jyly Astana qalasyndaǵy «Qazaq jol qurylysy» JShS-i dırektorynyń óńdiris boıynsha orynbasary. 2006 jyly kóliktik ınfraqurylymdy damytý komıtetiniń Atyraý oblystyq basqaramasy bastyǵynyń orynbasary. 2007-2008 j.j kóliktik ınfraqurylymdy damytý Komıteti Atyraý oblystyq basqarmasy bastyǵynyń orynbasary. 22.07.2008 jyly Qazaqstan Respýblıkasynyń kólik jáne kommýnıkatsııa Mınıstrligi kóliktik-kommýnıkatsııalyq keshen jáne strategııalyq josparlaý Departamenti avtomobıl joldaryn damytý basqarmasynyń bastyǵy bolyp taǵaıyndaldy. 2009-2010 j.j Shyǵys Qazaqstan oblystyq jolaýshylar kóligi jáne avtomobıl joldary basqarmasynyń bastyǵy.

2010 jyldyń 15 shilde aıynan bastap Shyǵys Qazaqstan oblysy, Qatonqaraǵaı aýdanynyń ákimi qyzmetine taǵaıyndaldy. Qazirgi qyzmetinde - 2013 jylǵy tamyzdan beri.

«Qazaqstan Respýblıkasy Konstıtýtsııasyna - 10 jyl» mereıtoılyq medalimen marapattalǵan. «Qurmetti Jolshy» atty joǵary kásiptik ataqqa ıe boldy. «Nur Otan» HDP-niń múshesi.

37 jyl buryn (1977) «QazTransGaz» AQ bas dırektorynyń ekonomıka jáne qarjy jónindegi orynbasary KÓShEROV Daıyr Ádilbekuly dúnıege keldi.

Shevchenko qalasynda týǵan. Indıana Ýnıversıtetin (Blýmıngton qalasy, AQSh), Qazaq memlekettik basqarý akademııasyn bitirgen, «Sertıfıkattalǵan qarjy taldamashysy» baǵdarlamasynan ótken.

1998-2000 jyldary - «Aq nıet» kásiporny bas býhgalteriniń orynbasary, ishki aýdıt departamentiniń dırektory. 2000-2005 jyldary «ABN AMRO Asset Management» JAQ bas býhgalteriniń orynbasary, táýekeldik menedjeri, bólim bastyǵy, portfeldik menedjer, bas portfeldik menedjer. 2005-2006 jyldary - «Intergaz Ortalyq Azııa» AQ korporatıvtik qarjylandyrý departamenti dırektorynyń orynbasary, dırektory. 2006-2008 jyldary - «QazTransGaz» AQ korporatıvtik qarjylandyrý departamentiniń dırektory. 2008 jylǵy naýryz-qyrkúıek aılarynda - «QazTransGaz» AQ qarjy dırektory. 2008-2012 jyldary - «QazTransGaz» AQ ekonomıka jáne qarjy jónindegi basqarýshy dırektory.

Qazirgi qyzmetinde - 2012 jylǵy maýsymnan beri.

131 jyl buryn (1883-1945) orys keńes jazýshysy, graf, KSRO ǴA akademıgi TOLSTOI Alekseı Nıkolaevıch dúnıege keldi.

101 jyl buryn (1913-1991) Chehoslovakııa Sotsıalıstik Respýblıkasynyń prezıdenti, Chehoslovakııa KP Ortalyq Komıtetiniń bas hatshysy GÝSAK Gýstav dúnıege keldi.