10-ǵa jýyq otandyq dızaıner shetelde brendterin qalyptastyrdy
ALMATY. QazAqparat - Otandyq dızaınerlerdiń ónimderine eýropalyqtar tarapynan suranys arta bastady, dep habarlaıdy QazAqparat tilshisi.
Búginde birqatar qazaqstandyq dızaınerlerdiń brendteri Eýropadaǵy dúkenderdiń kollektsııalaryn tolyqtyryp keledi.
Jaqynda olar Italııada Mılan sán aptalyǵy aıasynda ótken White Milano iskerlik salonynan oraldy.
Ol sharada álemniń 23 myńǵa jýyq jeńil jáne toqyma ónerkásibiniń ókili, ınvestorlar men baıerler, shoý-rým dırektorlary bas qosqan bolatyn.
«Álemde sán ındýstrııasy naryǵy óte úlken. 7 mlrd adam, ıaǵnı 1,5 trln AQSh dollary. Qazaqstanda jeńil ónerkásipke memleket tarapynan qoldaý bar. Óndiristik qýat jaǵynan kelgende de problema joq. Tek bizdiń óndirýshiler belgili bir standartpen jumys jasamaıdy. Eýropa baıerleri tarapynan qyzyǵýshylyq bolmaıtyny sodan. Brend-ınkýbator men halyqaralyq standart boıynsha ıdeıadan bastap kollektsııa jasaýǵa deıin tájirıbemdi bólistim»,- dedi Aıajan Jaqsybaı.
Onyń aıtýynsha, qazir Qazaqstan ónimin shetelge shyǵarýǵa múmkindik kóp.
«4 jyl ýaqyt ishinde bizde Italııa, Belgııa, Germanııa, Reseı, Koreıa, Ulybrıtanııa elderimen 100-ge jýyq kelisimge qol qoıyldy. Sońǵy jyldary ishki naryqta jaǵymdy ózgerister paıda boldy. Eksporterler sany kóbeıdi, báseke paıda boldy. Tutynýshylar legi qalyptasty. 7-8 brend qazir shetelge saýda júrgizip otyr»,- dedi Aıajan.
Zibroo Design, Fariza Sulta jáne Utari brendteri White Milano sharasyna 3-ret qatysyp keldi.
