10 eldiń toǵyzqumalaqshylary baq talastyrǵan týrnır aıaqtaldy

Oblystyq dene shynyqtyrý jáne sport basqarmasynan málim etkendeı,bıyl on birinshi márte uıymdastyrylǵan básekege Qazaqstannan, Aýǵanstan, Ázerbaıjan, Qyrǵyzstan, Qytaı, Ózbekstan, Reseı, Túrikmenstan, Túrkııa jáne Tájikstannan 20 komanda, barlyǵy 220 adam qatysty. Jarys toǵyzqumalaqtyń klassıka túrinen 9 týrmen, jas ereksheligi boıynsha 4 topta ótti.

Oıynnyń maqsaty - Elbasy bastamasy aıasynda ulttyq rýhty jańǵyrtýǵa yqpal etetin toǵyzqumalaqty  damytý, halyq arasynda keńinen nasıhattaý, sporttyq sheberlikti jáne zııatkerlik qabiletti qalyptastyrý.

Jarys nátıjesinde, «Eń jas oıynshy» nomınatsııasynda 6 jastaǵy Aral aýdanynan Іnjý Ómirbaı, «Eń jasy úlken oıynshy» nomınatsııasynda 70 jastaǵy ońtústikqazaqstandyq Tileý Qudııarov top jardy. Jarysqa belsendi qatysqany úshin birqatar elderdiń ókilderine dıplomdar men estelik syılyqtar berildi. Sondaı -aq 2017 jyldyń qorytyndysy boıynsha toǵyzqumalaqtan «Úzdik oıynshy» atalymynda Álem chempıonatynyń qola júldegeri, jerlesimiz Aqerke Kenjebekova marapattaldy.

Jeńimpazdar men júldegerlerge  dıplomdar, kýboktar men aqshalaı syılyqtar tabystaldy.

Týrnır nátıjesi:

15 jasqa deıingi jasóspirim qyzdar:

I oryn Balnur Aıjaryq (Qyzylorda)

II oryn Zarına Asybek (Qyzylorda)

III oryn Gúlzat Qystaýbaeva (Aral aýdany)

15 jasqa deıingi jasóspirim uldar:

I oryn Damır Ahmetov (Syrdarııa)

II oryn Beksaıyr Aıtmahanov (Qyzylorda)

III oryn Jarylqasyn Berkinbaev (OQO)

Áıelder arasynda:

I oryn Ásel Dálıeva (OQO)

IIoryn Saltanat Saparbekova (OQO)

III oryn Aıturǵan Maqsatbekqyzy (Qyrǵyzstan)

Erler  arasynda:

I oryn Ǵalymjan Temirbaev (Astana)

II oryn Saıat Jandarbek (OQO)

III oryn Beksultan Bostandyqov (Qyzylorda)

Aıta keteıik, Nálqoja Aqbalauly Syr eliniń áleýmettik-ekonomıkalyq damýynda iz qaldyrǵan belgili qoǵam qaıratkeri. Elge adal qyzmet jasaǵan azamat 2 márte Lenın ordenimen, Eńbek Qyzyl Tý, «Qurmet belgisi» ordenderimen marapattalǵan. Búginde Syrdarııa aýdany men aýyldardaǵy mektepter, mádenıet úıleriniń birqatary bir kezderi osy aýdandy basqarǵan Nálqoja Aqbalaulynyń bastamasymen salyndy. Byltyrdan bastap halyqaralyq mártebege ıe bolǵan týrnırge jyl ótken saıyn qatysýshylar sany kóbeıip, mańyzy arta túsýde.