10 eldiń 100-ge jýyq ártisi «Astana-Arqaý» festıvaliniń qonaǵy bolmaq

ASTANA. 7 maýsym. QazAqparat - Astananyń 15 jyldyq mereıtoıy aıasynda elordada «Astana-Arqaý» túrki mýzyka festıvali ótedi. Tyva, ıAkýtııa, Taýly Shorııa, Bashqurtstan, Túrkimenstan, Ózbekstan, Qyrǵyzstan jáne Mońǵolııanyń 100-ge jýyq ártisi «Astana-Arqaý» festıvaliniń qonaǵy bolmaq. Bul jaıynda astana.kz saıtyna Astana qalasynyń 15 jyldyq mereıtoıyn uıymdastyrýshy komıtet habarlady.

Sońǵy bes jylda atalǵan festıvaldiń túrki halyqtarynyń mádenı ómirinde alatyn orny bólek desek, artyq aıtqandyq emes. Osy ýaqyt aralyǵynda bul mádenı sharaǵa túrki halyqtarynyń dástúrli mýzyka ónerin nasıhattaýshy 400 mýzykant jáne ǵalym qatysqan.

Festıvaldiń turaqty qonaqtarynyń arasynda vokal sheberleri, aspapshylar jáne Túrkııa, Ázirbaıjan, Qyrǵyzstan, Túrkimenstan, sonymen qatar, Altaı, Bashqurtstan, Gagaýzııa, Hakasııa, Saha, Tatarstan, Tyva syndy túrki ulttyq avtonomııalary da bar.

Osy syndy túrki mýzykalyq murasynyń baı qoryn nasıhattaýǵa arnalǵan mádenı sharalar Astana qalasynda jıi ótkizilip turady.

«Astana-Arqaý» festıvaliniń baǵdarlamasy zamanaýı túrki áýenderi etnomýzykasyn jan-jaqty qyrynan tanytýǵa arnalǵan. Bıyl da festıval qonaqtary ár eldiń vokalısteri men biregeı mýzykalyq shyǵarmalaryn kórýge ári tyńdaýǵa zor múmkindik alady.

Osy jyldyń mańyzdy taqyryptarynyń biri - folklordaǵy ómir. Astana- Arqaý» festıvaliniń sahnasyna tyvalyq «Hýýn Hýýr Tý», ıAkýtııadan kelgen Veronıka Lytkına, Taýly Shorııa atynan «Ot Ene» etno-toby, Bashqurtstannyń namysyn qorǵaıtyn Radıf Buharbaev, Túrkimenstan mádenıetin dáripteıtin Serdar Haıdarov, ózbekstandyq «Navo» toby, qyrǵyzstandyq Nazıra Toqonova, sonymen qatar Qazaqstan men túrki elderiniń ózge de 100-ge jýyq jeke oryndaýshylary men ujymdary óz ónerlerin pash etedi.

Festıval barysynda túrki mýzykasy jeke oryndaýshydan bastalyp, epıkalyq shyǵarmalar syndy túrli janrda usynylatyn bolady.