10 elden Qazaqstanǵa ushyp kelgen jolaýshylardyń barlyǵynda PTR-anyqtama boldy

NUR-SULTAN. QazAqparat - 26 sáýirde Qazaqstan aýmaǵyna Ulybrıtanııa, Birikken Arab Ámirlikteri, Mysyr, Túrkııa, Grýzııa, Tájikstan, Reseı, Belarýs, Ózbekstan jáne Qyrǵyzstannan 30 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken bir táýlikte elimizge 4 179 avıajolaýshy keldi.

Onyń ishinde:

- Almaty qalasynyń áýejaıyna – 14 reıs, 2 214 jolaýshy;

- Nur-Sultan qalasynyń áýejaıyna – 5 reıs, 707 jolaýshy;

- Shymkent qalasynyń áýejaıyna – 7 reıs, 828 jolaýshy;

- Aktaý qalasynyń áýejaıyna – 4 reıs, 430 jolaýshy;

«Barlyq jolaýshy koronavırýsqa PTR testileý týraly anyqtamamen kelgen», - dep naqtylady vedomstvodan.