10 el ShYU-ǵa kirýge ótinim berdi – másele Samarqan sammıtinde qaralady

TAShKENT. QazAqparat – Osy jyldyń qyrkúıeginde Samarqanda ótetin Shanhaı yntymaqtastyq uıymyna múshe memleketterdiń sammıtinde birqatar eldiń uıymǵa kirý ótinimi qaralady, dep habarlaıdy QazAqparattyń arnaýly tilshisi Ózbekstan Syrtqy ister mınıstrliginiń Dunio aqparat agenttigine silteme jasap.

Ózbekstan Syrtqy ister mınıstriniń mindetin atqarýshy Vladımır Norovtyń aıtýynsha, aldaǵy forým barysynda Arab memleketteri lıgasy, ıÝNESKO, BUU-nyń Azııa men Tynyq muhıty úshin ekonomıkalyq jáne áleýmettik komıssııasy (ESKATO) syndy birneshe halyqaralyq jáne óńirlik uıymdarmen aradaǵy seriktestik qarym-qatynas ornatý týraly memorandýmdarǵa qol qoıý kútiledi.

«Joǵary deńgeıdegi kezdesýdiń kúntártibindegi basty suraqtardyń biri – ShYU-ny odan ary keńeıtý. Qazirdiń ózinde ShYU-ǵa múshe memleket mártebesin alý maqsatynda Iran Islam Respýblıkasynyń mindettemeleri týraly memorandým qol qoıýǵa daıyn tur. Qujat is júzinde osynaý taıaýshyǵystyq iri eldiń bizdiń uıymymyzǵa tolyqqandy múshe bolýyna jol ashady. Buǵan qosa, tolyqqandy múshe, baıqaýshy jáne dıalog boıynsha seriktes formatynda ShYU qyzmetine qatysýǵa shamamen taǵy 10 eldiń ótinimi qaralady», - dep atap ótedi vedomstvo basshysy mindetin atqarýshy.

Búgin Shanhaı yntymaqtastyq uıymynyń qurylǵanyna 21 jyl toldy. Qazirgi ýaqytta onyń quramynda Qazaqstan, Úndistan, Qytaı, Qyrǵyzstan, Reseı, Tájikstan, Pákistan jáne Ózbekstan bar. Sonymen qatar Aýǵanstan, Belarýs, Iran jáne Mońǵolııanyń baıqaýshy el, al Ázerbaıjan, Armenııa, Kambodja, Nepal, Túrkııa jáne Shrı-Lankanyń seriktes el mártebesi bar.