10 aıy ishinde Tulpar-Talgo poıyzdarymen barlyǵy 730 myń jolaýshy tasymaldandy - QTJ

ASTANA. QazAqparat - 2014 jyldyń 10 aıy ishinde Tulpar-Talgo poıyzdarymen barlyǵy 730 myń jolaýshy tasymaldanǵan, bul 2013 jyldyń sáıkes kezeńimen salystyrǵanda 41 paıyzǵa artyp, vagondardyń ortasha sanyna eseptegende 62 paıyzdy qurady, dep habarlady «QTJ» UK» AQ baspasóz qyzmetinen.

Sondaı-aq, kompanııa baspasóz qyzmetiniń habarlaýynsha, otandyq «Tulpar-Talgo» zaýyty jańa 23 vagonnan turatyn quramdy reıske daıyndap jatyr. Naqtyraq aıtqanda, jospar boıynsha, 2 jeltoqsan kúni №67/68 Astana-Zaşıta poıyzy iske qosylmaq. Aıta keteıik, aǵymdaǵy jyldyń 29 qazanynda Tulpar-Talgo vagondarynan jasaqtalǵan quram Almaty - Óskemen (Zaşıta) baǵytyna qatynaı bastasa, 28 qazanda Tulpar-Talgo vagondarynan quralǵan poıyz quramy Almaty - Shymkent baǵyty boıynsha jolǵa shyqty. Sondaı-aq, qazirgi ýaqytta 43/44 Qostanaı - Almaty poıyzyna «fıomalyq» mártebesin berý boıynsha jumystar júrgizilýde.