10 aıda Qazaqstannyń syrtqy saýda aınalymy 8,3 paıyzǵa kemidi
ASTANA. QazAqparat - Aǵymdaǵy jyldyń 10 aıynda Qazaqstannyń syrtqy saýda aınalymy 8,3 paıyzǵa kemidi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq ekonomıka vıtse-mınıstri Mádına Ábilqasymova málim etti.
«Aǵymdaǵy jyldyń 10 aıynda taýarlar eksporty munaı men negizgi metaldardyń álemdik baǵasynyń quldyraýy, munaı, kómir, ferroqorytpalar jáne alıýmınıı eksporty naqty kóleminiń kemýi saldarynan 4,9 paıyzǵa qysqardy», - dedi ol.
Vıtse-mınıstrdiń aıtýynsha, taýarlar ımporty da munaı ónimderi, jeńil avtomobılder men olardyń qosalqy bólshekteri, jıhaz jáne kondıterlik buıymdar ımportynyń azaıýy esebinen 14,5 paıyzǵa tómendegen.
«Osylaısha, 2013 jyldyń sáıkes kezeńimen salystyrǵanda syrtqy saýda aınalymy 8,3 paıyzǵa qysqardy», - dedi M.Ábilqasymova.
