10 aıda 228 mlrd teńgege qarjylyq buzýshylyqtar anyqtaldy
Bıyl 10 aıda 228 mlrd teńgege qarjylyq buzýshylyqtar anyqtaldy. Bul týraly Úkimet otyrysynda Qarjy vıtse-mınıstri Dáýren Temirbekov aıtty, dep habarlaıdy Kazinform.
«Osy jyldyń 10 aıynda kameraldyq baqylaýmen 11 trln teńgege 369 myńnan asa memlekettik satyp alý rásimderi qamtyldy. Tekserý qorytyndylary boıynsha 50 591 rásim boıynsha buzýshylyqtar anyqtaldy. Onyń ishinde memlekettik aýdıt obektileri kemshilikterdi joıý týraly habarlamalardyń 94 paıyzyn oryndady. 1 886 aýdıtorlyq is-shara ótkizildi», - dedi vıtse-mınıstr.
Onyń dereginshe, aýdıtpen shamamen 1,3 trln teńge bıýdjet qarajaty qamtyldy.
«Shamamen 228 mlrd teńge somasyna qarjylyq buzýshylyqtar anyqtaldy. Taýarlardy jetkizý, qyzmetterdi kórsetý men jumystardy oryndaý, bıýdjetke óteý jáne esepke alý boıynsha kórsetý jolymen 171 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 1 879 usynym berildi», - dedi Dáýren Temirbekov.
