10 aı qorytyndysynda QR-dyń JІÓ ósimi 4 paıyzdy qurady
ASTANA. QazAqparat - Aǵymdaǵy jyldyń 10 aı qorytyndysyna sáıkes, Qazaqstannyń jalpy ishki óniminiń ósimi 4 paıyzdy quraıdy. Bul týraly búgin QR Ulttyq ekonomıka mınıstrligi Statıstıka komıtetiniń tóraǵasy Álıhan Smaıylov málim etti.
Onyń atap ótýinshe, Úkimettiń aǵymdaǵy jyldyń qorytyndysynda JІÓ ósimin 4,3 paıyz kóleminde qamtý josparyna qol jetkizýge bolady. Ol úshin munaı óndirý josparyn tolyǵymen oryndaý qajet.
«Qazirgi ýaqytta 10 aıdyń qorytyndysyna sáıkes munaı óndirýde jospardan birshama keıin qalý baıqalýda. Buǵan qosa, meniń bilýimshe, sáıkesinshe salalyq mınıstrlikter jyl sońyna deıin ózderiniń jyldyq josparlarynyń oryndalatyndyǵyna ýáde berýde. ıAǵnı, eger olar óz josparlaryn oryndaıtyn bolsa, onda ósimniń 4,3 paıyzdy quraýy shynaıy bolmaq», - dedi komıtet tóraǵasy.
