10 áskerı qyzmetshi dene daıarlyǵy boıynsha «Úzdik» dárejesin aldy - QR QM (FOTO)
Bul shara 85395 áskerı bóliminiń bazasynda uıymdastyryldy, dep habarlaıdy QR QM baspasóz qyzmeti.
Komandırlik daıarlyqqa barlyǵy 40-qa jýyq áskerı qyzmetshi tartyldy.
Kún saıyn áskerı-sporttyq keshen jattyǵýlaryn qabyldaý arqyly batalon (dıvızıon) serjanttarynyń dene daıyndyǵy tekserildi. Áskerı-sporttyq keshen dárejesindegi barlyq serjanttardan 13 adam tapsyrdy. Onyń ishinde 10 adam «Úzdik» dárejesin, 3 adam ІІ dáreje aldy.
Komandırlik daıarlyqqa qatysýshylar arasynda dene daıarlyǵynan toǵyz normatıv boıynsha ortasha 210 upaı jınap, joǵary nátıjege 01731 áskerı bóliminiń áskerı qyzmetshisi 2-synypty serjant Erbolat Aǵybaev qol jetkizdi.
Komandırlik daıarlyqqa qatysýshylar arasynda oq atý boıynsha 92 upaı jınap, jaqsy nátıje kórsetken 85395 áskerı bóliminiń áskerı qyzmetshisi 2-synypty serjant Baýyrjan Maılybaev boldy.
«Jalpy alǵanda, komandırlik daıarlyq olqylyqsyz jáne qaýipsizdik sharalarynyń buzylýynsyz ótkizildi. Oqytý pánderi boıynsha berilgen saǵat sany tolyq kólemde pysyqtaldy. Úırenýshi serjanttarǵa qoıylǵan tapsyrmalar 100 paıyzǵa oryndaldy. Serjanttar quramynyń kásibı deńgeıin arttyrý boıynsha maqsatqa qol jetkizildi», - dedi óńirlik qolbasshylyqtyń serjanty - «Ońtústik» ÓńQ áskerleri qolbasshysynyń basqarmasy serjanttar quramymen jumys jónindegi top bastyǵy shtab-serjant Bolat Jaısanbaev.
Komandırlik daıarlyqty ótkizý maqsaty batalon (dıvızıon) serjanttarynyń kásibı deńgeıin arttyrý, kásibı daıarlyq sheńberinde olardyń bilimin tekserý, laýazymdyq arnalýyna sáıkes is júzindegi sátti qyzmet úshin jetkilikti kólemde serjanttardyń áskerı, tehnıkalyq jáne arnaıy bilimdi meńgerýi, sondaı-aq oqytý men tárbıe berýdiń biryńǵaı ádistemesin anyqtaý, baǵynystylardy oqytýda ınnovatsııalyq, perspektıvalyq úlgiler men ádisterdi engizý bolyp tabylady.
