10 aqpan kúngi aýa raıy boljamy
NUR-SULTAN. QazAqparat – 10 aqpan kúni atmosferalyq fronttardyń ótýine baılanysty respýblıkanyń basym bóliginde qubylmaly aýa raıy saqtalady. Eldiń soltústik bóliginde keı jerlerde qar, ońtústikte jaýyn-shashyn, taýly aýdandarda qatty jaýyn-shashyn (jańbyr, qar) kútiledi. Jekelegen óńirlerde tuman, kóktaıǵaq, jaıaý burqasyn, jeldiń kúsheıýi boljanady, dep habarlaıdy QazAqparat.
«Qazgıdromet» RMK málimetinshe, Aqmola, Soltústik Qazaqstan, Pavlodar, Qaraǵandy, Shyǵys Qazaqstan, Qostanaı oblystarynyń keı jerlerinde burqasyn men 15-20 m/s ekpinde jel kútiledi. Shyǵys Qazaqstan oblysynyń joldarynda kóktaıǵaq, Qostanaı, Qaraǵandy oblystarynyń keı jerlerinde tuman boljanady.
Mańǵystaý, Jambyl, Túrkistan oblystarynyń keı jerlerinde tuman, kóktaıǵaq, Jambyl oblysynyń keı jerlerinde túnde jáne tańerteń jaıaý burqasyn men 15 m/s kúshpen jel soǵady.
Atyraý, Batys Qazaqstan oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi, Batys Qazaqstan oblysynda sondaı-aq burqasyn bolady.
Aqtóbe oblysynyń keı jerlerinde jaıaý burqasyn kútiledi.
Almaty, Qyzylorda oblystarynyń keı jerlerinde tuman bolady.
