10 756 túlek UBT-dan 100-den joǵary ball jınady - 9 kúnniń qorytyndysy
ASTANA. 12 maýsym. QazAqparat - 9 kúnniń qorytyndysy boıynsha Ulttyq biryńǵaı testileýge 117 431 nemese túlekterdiń 97 paıyzy qatysty, dep habarlady QR Bilim jáne ǵylym mınıstrliginiń baspasóz qyzmetinen.
Vedomstvonyń atap ótýinshe, birneshe márte zań buzǵan 101 túlek testi tapsyrýdan shettetilgen. Eń joǵary nátıjeni Astana qalasynan Ásel Qısyqova, Almaty qalasynan Kırıll Kım jáne Almaty oblysynyń Qarasaı aýdanynan Ásem Aıdarova jınaǵan.
9 kúnniń qorytyndysy boıynsha 10 756 túlek 100-den joǵary ball jınaǵan.
Eske salaıyq, Qazaqstanda UBT 1-15 maýsym aralyǵynda ótedi. Túlekterden emtıhandy qabyldaý úshin arnaıy 154 pýnkt jabdyqtaldy. 107 pýnkt aýdan ortalyqtary men qalalardaǵy mektep ǵımarattarynda ornalasty, al qalǵan 47-si oblys ortalyqtary men Astana jáne Almatydaǵy joǵary oqý oryndarynyń ǵımarattarynda jabdyqtaldy.
