10-12 naýryzda Qazaqstannyń ońtústiginde jaýyn-shashyn bolyp, jylbysqy qar jaýady
ASTANA. QazAqparat - Sınoptıkterdiń boljamynsha, Qazaqstan ońtústiginde 10-12 naýryzda jaýyn-shashyndy bolyp, jylbysqy qar jaýady, dep habarlady «Qazgıdromet» RMK.
«Aýqymdy antıtsıklon Qazaqstannyń soltústik, ortalyq, shyǵys oblystarynyń aýa raıyna yqpalyn jalǵastyrýda. Osyǵan baılanysy osy aýdandarda aýa raıy aıazdy jáne jaýyn-shashynsyz bolady. 12 naýryzda antıtsıklonnyń Sibirdiń ońtústigine ótýine oraı temperatýra kóteriledi. Al batys jaqtarda úsh táýlik ishinde keı jerler jaýyn-shashyndy bolyp, tuman, kóktaıǵaq oryn alady. Qazaqstannyń ońtústik oblystarynda batys tsıklonyna baılanysty jyly atmosferalyq aǵyn aralasady. Sondyqtan bul jerde de jaýyn jaýyp, taýly jerlerde jylbysqy qar jaýady», - delingen habarlamada.
