10 000 teńgelik banknotalardyń aınalym merzimi 2027 jylǵa deıin uzartyldy
ASTANA. KAZINFORM – Ulttyq bank nomınaly 10 000 teńgelik banknotalardyń aınalymda qatar júrý merzimin bir jylǵa 2027 jylǵy maýsymǵa deıin uzartty.
Bul sheshim Qazaqstan qarjygerler qaýymdastyǵynyń usynysyn eskere otyryp qabyldanyp otyr jáne eski úlgidegi banknotalardy esep aıyrysý kezinde qosymsha bir jyl ishinde paıdalaný múmkindigin, sondaı-aq olardy jańa úlgidegi banknotalarǵa kezeń-kezeńmen aýystyrýdy kózdeıdi.
— Ulttyq bank «Saq stıli» serııasymen shyǵarylǵan jańa banknotalardy kezeń-kezeńimen shyǵarýdy jalǵastyryp jatyr, onyń aıasynda eski úlgidegi banknotalardy jańasyna ret-retimen aýystyrýdy qamtamasyz etetin aınalymda qatar júrý mehanızmi qoldanylady.
Ol kezeń aıaqtalǵan soń barlyq bank pen Qazposhta eski úlgidegi banknotalardy jańa úlgidegi banknotalarǵa taǵy 3 jyl boıy, al Ulttyq banktiń fılıaldary — merzimsiz aıyrbastaıtynyn atap ótemiz, — delingen bank habarlamasynda.
Jańa jáne eski úlgidegi banknotalar aınalymda qatar júrgen kezeńde zańdy tólem quraly bolyp qala beredi, olar eldiń búkil aýmaǵynda belgilengen qunyna saı barlyq tólem men aýdarym túrlerin júzege asyrýǵa, bank shottaryna aýdarý úshin qabyldanýǵa jatady.
Aıta ketelik elde qaı banknotany jıi qoldan jasaıtyny týraly jazǵan edik.
